Італьянец заяўляе, што ягоная піца — найлепшая ў вёсцы Крывая Бяроза. Чыноўнікі сумняюцца
Міністэрства антыманапольнага рэгулявання і гандлю Беларусі звярнула ўвагу на працу піцэрыі «Папача Піца» ў вёсцы Крывая Бяроза Смалявіцкага раёна.
Установа працуе з 2025 года і належыць італьянскаму кухару і ягонай жонцы. Іх дзейнасць аформленая як самастойная прафесійная, а не прадпрымальніцкая, таму кантроль з боку дзяржавы ў такім выпадку абмежаваны. Акрамя таго, санітарнае заканадаўства не вызначае асобных патрабаванняў да фізічных асоб у гэтым відзе дзейнасці.
Аднак Міністэрства прызнала няправільнай рэкламу піцэрыі, дзе сцвярджалася, што яны гатуюць «найлепшую піцу ў горадзе» і што ў іх «найлепшы італьянскі шэф-кухар». Такія заявы лічацца неправамернымі, бо не пацверджаныя дакументальна і могуць уводзіць спажыўцоў у зман. У выніку ўладальнікам было прадпісана спыніць распаўсюд такой рэкламы.
У цэлым адзначаецца, што нават калі дзейнасць вядзецца як фізічнай асобай і не падпадае пад жорсткае рэгуляванне, адказнасць за якасць прадукцыі і паслуг усё роўна нясе сам выканаўца. Дзяржава ж працягвае кантраляваць выкананне законаў і абарону правоў спажыўцоў.
Італьянец пераехаў у беларускую вёску і пачаў пячы сапраўдную піцу на дровах
Грузін адкрыў пякарню ў Заслаўі. Раней гатаваў хачапуры, а цяпер перайшоў на піцы
Скандальная расійская сетка грамадскага харчавання «Ёбідаёбі» рэгіструе свой таварны знак у Беларусі
У Мінску адкрыўся рэстаран беларускай кухні з памылкай у назве. Атрымалася двухсэнсоўна
«Бульбяныя» — які брэнд загубілі! Вось што там гатавалі і што ўспаміналі пра іх Уладзімір Высоцкі і старшыня КДБ
Каментары
НН не забудьте написать, когда и с какой скоростью итальянец будет бежать в свою Италию, бросив всё своё беларуское хозяйство
[Зрэдагавана]