І заадно — як часта трэба мыць дыванкі каля ванны або душа.
Што лепш для гігіены — душ або ванна? Выданне Daily Mail звярнулася па адказ да клінічнага мікрабіёлага з Універсітэта Лестэра Прымроўз Фрыстоўн (Primrose Freestone).
Па словах навукоўцы, душ — больш эфектыўны спосаб ачышчэння. Асноўная прычына ў тым, што ў ванне вада не змяняецца, і ўсе мікраарганізмы, якія былі на целе, проста пераразмяркоўваюцца па розных участках скуры.
Бесперапынны паток вады ў душы не толькі змывае бруд, пот і тлушч, але і злёгку масажуе скуру.
Таксама, па словах эксперткі, ранішні душ дапамагае прачнуцца, змыць пот ці бактэрыі, якія вы маглі падхапіць з пасцельнай бялізны падчас сну. Гэта асабліва карысна, калі ваша бялізна была не самай свежай, калі вы клаліся ў ложак.
Аднак Фрыстоўн не заклікае цалкам адмаўляцца ад ванны, бо яна мае свае перавагі для здароўя. Гарачая вада дапамагае зняць напружанне ў мышцах, супакоіць нервовую сістэму і палепшыць кровазварот.
Каб спалучыць прыемнае з карысным, эксперты раяць прыслухацца да досведу тых, хто выкарыстоўвае камбінаваны метад: спачатку прымаць ванну для рэлаксацыі, а пасля абавязкова спалосквацца пад душам.
Такі падыход дазваляе атрымаць максімальную карысць для псіхічнага стану і адначасова змыць рэшткі мыла і мікробаў, якія маглі застацца на скуры.
Цікава, што частковая ачыстка ад бактэрый пасля ванны адбываецца і падчас выцірання ручніком, але тут тоіцца іншая небяспека. Доктар Фрыстоўн папярэджвае, што калі не праць ручнік рэгулярна, на ім хутка ўтворацца цэлыя калоніі бактэрый.
Акрамя таго, небяспека можа хавацца і ў іншых рэчах у ванным пакоі. Напрыклад, вільготныя дыванкі каля ванны або душа лёгка назапашваюць бактэрыі і цвіль, асабліва калі доўга не высыхаюць. Эксперты раяць добра прасушваць іх пасля выкарыстання і мыць не радзей за раз на тыдзень пры высокай тэмпературы.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна2
Каментары
Пс. А па еўрамерыканскі мыць посуд у адной і той жа вадзе ок?