Ручнікі — белыя, паясы — чырвоныя. У Гродне адкрылі выставу традыцыйнага народнага тэкстылю
На выставе ў гродзенскім Музеі гісторыі Гарадніцы прадстаўленыя ручнікі, дываны, абрусы і паясы ад канца ХІХ стагоддзя да 80-х гадоў ХХ-га, а таксама і некаторыя прылады для апрацоўкі лёну, піша Hrodna.life.
Ромбы, зорачкі і дрэва жыцця
Лічыцца, што дэкор і дакладнасць рэльефнай структуры белых ручнікоў з Гродна вылучаюцца сярод іншых падобных вырабаў. Звычайна ўнізе такія ручнікі ўпрыгожвалі вышыўкай — крыжыкам або роўняддзю. Папулярнасцю карысталіся ўзоры з раслінамі і кветкамі.
Пераборныя ручнікі ткалі з вертыкальнай кампазіцыяй малюнка. Самы распаўсюджаны ўзор на іх — «дрэва жыцця».
Часта можна сустрэць таксама ўзоры з ромбікаў, кветак і зорачак. Кожны з іх меў сваё значэнне. На вясельным ручніку майстрыхі Алены Шапель з Гродзенскай вобласці вышытыя зорачкі — сімвал дзіцяці. Гэта значыць, што маладой сям’і зычылі дзяцей.
Паласацікі — гэта не кіты, а «дываны» Панямоння
Цяпер слова «паласацікі» часцей кажуць, распавядаючы пра рыб сямейства кітовых. Раней на Гродзеншчыне так называлі тканыя дываны посцілкі з рознакаляровымі або манахромнымі палоскамі. Напэўна, вы бачылі такія пакрывалы на ложках у бабуль і дзядуль у вёсцы. Калі не — паглядзіце на паласацікі ў экспазіцыі выставы.
Тут прадстаўлены саматканы дыван з вёскі Почуйкі Ваўкавыскага раёна. Побач прадстаўлены дыван у зялёных і белых колерах вядомай майстрыхі з Адэльска Гродзенскага раёна Ядвігі Райскай, вытканы ў 1989 годзе.
Панямонне славілася і сваімі тканымі паясамі. Іх, у адрозненне ад ручнікоў, традыцыйна рабілі чырвонымі. На выставе можна ўбачыць паясы пачатку ХХ стагоддзя з Навагрудскага раёна.
Наведаць выставу «Традыцыйны народны тэкстыль Гродзеншчыны» можна штодня, з 10 да 18, па адрасе вул. Ажэшкі 37. Кошт квітка 2 рублі, з экскурсіяй — 8 рублёў.
-
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай
-
У Магілёве адкрылі шыльду губернатару Дэмбавецкаму. Дату смерці яму напісалі на гады ранейшую за спробу ўцячы з Савецкай Расіі
-
У Заслаўі над руінамі брамы XVI стагоддзя пабудуюць навес. Што вядома пра ўнікальны аб'ект і чаму прапанаваны праект — бессэнсоўны і шкодны
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў11
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары