«Усярэдзіне абсалютна гнілыя». Беларусы незадаволеныя якасцю экзатычнай садавіны з В'етнама ў крамах
Нядаўна ў беларускія крамы прывезлі заморскага госця — смятанны яблык, папулярны ў В'етнаме і краінах Паўднёвай Амерыкі. Аднак экзатычнасць парадавала далёка не ўсіх. У Threads беларусы пачалі скардзіцца, што плады часцей за ўсё аказваюцца гнілымі, нават калі знешне такімі не выглядаюць, заўважыла выданне Blizko.by.
Жыхарка Мінска Марыя набыла садавіну і падзялілася ўражаннямі:
«Убачылі ўпершыню і вырашылі паспрабаваць. У выніку атрымалі гнілізну. Вось так і купляй экзатычную садавіну ў Беларусі», — расчаравана напісала дзяўчына.
Акрамя непрывабнага знешняга выгляду, паводле слоў Марыі, пацярпеў і смак: замест салодкага прысмаку садавіна аказалася вадзяністай і прэснай.
У каментарах знайшлася і іншая расчараваная аматарка экзотыкі:
«Мы куплялі зялёны плод, але гэта нас не выратавала ад таго, што ён быў гнілым. Аддалі назад, купілі больш цвёрды, каб дома даспеў без упакоўкі. У выніку другі таксама аказаўся гнілым», — расказала карыстальніца Настасся.
Іншыя карыстальнікі давалі парады па выбары свежага смятаннага яблыка.
Здаровы плод павінен быць з ярка-зялёнай лупінай і мяккі навобмацак. Акрамя таго, садавіна вельмі хутка псуецца, нават у неразрэзаным выглядзе, таму яе неабходна з'есці як мага хутчэй. Але з улікам доўгай дарогі з В'етнама да Беларусі на такую садавіну ў краме ўсё ж лепш не заглядацца.
Цяпер чытаюць
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары