Радаслаў Сікорскі назваў неадэкватнымі паводзіны Польшчы ў сітуацыі з ордэнам Белага Арла
Міністр замежных спраў Польшчы Радаслаў Сікорскі заявіў, што рашэнне прэзідэнта Польшчы Караля Наўроцкага пазбавіць прэзідэнта Украіны Уладзіміра Зяленскага ордэна Белага Арла было неадэкватнай рэакцыяй і прынізіла ўкраінскага лідара, піша «Еўрапейская праўда».
Паводле слоў Радаслава Сікорскага, Зяленскі мог выбраць іншую назву для падраздзялення Сіл спецыяльных аперацый, якому прысвоілі імя Герояў УПА. Міністр адзначыў, што, хоць УПА змагалася супраць савецкай улады, яе ўдзельнікі таксама здзяйснялі забойствы польскага насельніцтва, і варта было гэта ўлічваць.
Разам з тым кіраўнік польскай дыпламатыі лічыць, што адказ Варшавы быў празмерным.
«Наша рэакцыя таксама была неадэкватнай, бо прынізіла асабіста прэзідэнта Украіны», — сказаў ён.
На думку Сікорскага, замест пазбаўлення дзяржаўнай узнагароды можна было б прыняць іншае сімвалічнае рашэнне. У якасці прыкладу ён назваў магчымасць перайменавання аэрапорта ў памежным Жэшаве ў гонар ахвяр УПА.
Міністр таксама адзначыў, што сваім крокам прэзідэнт Польшчы Кароль Наўроцкі пазбавіў сябе магчымасці весці дыялог з кіраўніком Украіны, якая знаходзіцца ў стане вайны.
Пры гэтым Сікорскі падкрэсліў, што канчатковае рашэнне аб уступленні Украіны ў Еўрапейскі саюз будзе залежаць ад пазіцыі краін-членаў, у тым ліку ад подпісу прэзідэнта Польшчы пасля завяршэння перамоў.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу7
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5050
Каментары
[Зрэдагавана]