Radasłaŭ Sikorski nazvaŭ nieadekvatnymi pavodziny Polščy ŭ situacyi z ordenam Biełaha Arła
Ministr zamiežnych spraŭ Polščy Radasłaŭ Sikorski zajaviŭ, što rašeńnie prezidenta Polščy Karala Naŭrockaha pazbavić prezidenta Ukrainy Uładzimira Zialenskaha ordena Biełaha Arła było nieadekvatnaj reakcyjaj i pryniziła ŭkrainskaha lidara, piša «Jeŭrapiejskaja praŭda».
Pavodle słoŭ Radasłava Sikorskaha, Zialenski moh vybrać inšuju nazvu dla padraździaleńnia Sił śpiecyjalnych apieracyj, jakomu prysvoili imia Hierojaŭ UPA. Ministr adznačyŭ, što, choć UPA zmahałasia suprać savieckaj ułady, jaje ŭdzielniki taksama ździajśniali zabojstvy polskaha nasielnictva, i varta było heta ŭličvać.
Razam z tym kiraŭnik polskaj dypłamatyi ličyć, što adkaz Varšavy byŭ praźmiernym.
«Naša reakcyja taksama była nieadekvatnaj, bo pryniziła asabista prezidenta Ukrainy», — skazaŭ jon.
Na dumku Sikorskaha, zamiest pazbaŭleńnia dziaržaŭnaj uznaharody možna było b pryniać inšaje simvaličnaje rašeńnie. U jakaści prykładu jon nazvaŭ mahčymaść pierajmienavańnia aeraporta ŭ pamiežnym Žešavie ŭ honar achviar UPA.
Ministr taksama adznačyŭ, što svaim krokam prezident Polščy Karol Naŭrocki pazbaviŭ siabie mahčymaści vieści dyjałoh z kiraŭnikom Ukrainy, jakaja znachodzicca ŭ stanie vajny.
Pry hetym Sikorski padkreśliŭ, što kančatkovaje rašeńnie ab ustupleńni Ukrainy ŭ Jeŭrapiejski sajuz budzie zaležać ad pazicyi krain-členaŭ, u tym liku ad podpisu prezidenta Polščy paśla zaviaršeńnia pieramoŭ.
Orden Biełaha Arła, jaki zabrali ŭ Zialenskaha, viarnuŭsia ŭ Polšču. Što ź im budzie ciapier?
Kiraŭnik MZS Ukrainy paabiacaŭ lustrana adkazvać na ŭsie kroki Polščy: Naŭrocki atrymlivaje apładysmienty z Maskvy
Prezident Polščy pazbaviŭ Zialenskaha Ordena Biełaha Arła — najvyšejšaj dziaržaŭnaj uznaharody krainy
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
[Zredahavana]