Тры новыя гатэлі, старажытны бровар і пешаходнае кольца. Што новага з'явіцца ў Гродне
У Гродне ў найбліжэйшыя пару гадоў з'явіцца адразу некалькі новых аб'ектаў: ад абноўленага старажытнага піўзавода да вялікай прагулачнай набярэжнай уздоўж Нёмана. Як паведамілі ў Гродзенскім гарвыканкаме, у абласным цэнтры планамерна развіваюць гарадское асяроддзе і ствараюць новыя грамадскія прасторы, піша Domovita.by.
Да канца года на карце горада дададуцца тры гатэлі, а ўжо ў лістападзе адкрыецца мадэрнізаваны аквацэнтр «Лазурны». Паралельна правы і левы берагі Нёмана плануецца злучыць новым пешаходным мостам, замкнуўшы адзіны прагулачны маршрут.
Гатэлі і другое жыццё старажытнага бровара
Вольныя нумары ў Гродне ў цёплы сезон на вагу золата, таму гатэльны фонд прырастае новымі лакацыямі даволі жвава. За апошнія тры гады ў абласным цэнтры з'явілася 7 гатэляў на вуліцах Віленскай, Ажэшкі, Падольнай і Каліноўскага, а агульная колькасць гатэляў і хостэлаў дасягнула 27. Да канца гэтага года плануецца адкрыць яшчэ тры аб'екты на вуліцах Фестывальнай, Мендзялеева і Суворава.
Найбольш атмасферны праект рэалізуюць проста на беразе Нёмана, дзе працягваюць рэстаўраваць былы піўзавод. Гістарычны комплекс доўга чакаў свайго часу, а адкрыць яго для наведвальнікаў разлічваюць да лета 2027 года. Ужо ў верасні інвестар мае намер прыступіць да будаўніцтва гатэля, які аб'яднае старажытную тэрыторыю ў адзіны архітэктурны ансамбль да 900‑годдзя горада.
Праменад каля Каложы, мост і пешаходнае кольца
Берагавую лінію Нёмана таксама чакае абнаўленне. На правым беразе, на ўчастку ад Каложскай царквы да вусця Гараднічанкі, фарміруюць вялікую зону адпачынку з пешаходнымі дарожкамі і веламашрутамі. Галоўная ідэя — стварыць непарыўны праменад уздоўж вады, дзе можна спакойна шпацыраваць без шуму транспарту і прывязкі да аўтадарог.
У перспектыве гэты праменад стане часткай вялікага пешаходнага кольца. Паводле задумы архітэктараў, правы і левы берагі звяжа новы пешаходны мост. Маршрут пройдзе праз абноўлены сквер на вуліцы Дарвіна і прывядзе проста да аквацэнтра «Лазурны». Сам водны комплекс абнаўляюць са снежня 2024 года, а адкрыць дзверы для наведвальнікаў ён павінен ужо ў пачатку лістапада.
Палац спорту з 50‑метровым басейнам
Паралельна ў горадзе прасоўваецца праект шматфункцыянальнага Палаца гульнявых відаў спорту. Маштабы ў аб'екта ўражлівыя: галоўная спартыўная зала разлічаная на 2000 гледачоў, а трэніровачная пляцоўка змесціць яшчэ 500 чалавек.
Галоўнай фішкай комплексу стане вялікая аквазона з паўнавартасным 50‑метровым басейнам алімпійскага стандарту, дзе з'явіцца магчымасць праводзіць турніры высокага рангу.
Памерла Галіна Філіпаўна з Гродна, якой летам 2020 года на ўсю краіну абураўся Лукашэнка
У Гродне збіраюцца аднавіць палац князёў Масальскіх, не разбураючы гістарычную камяніцу, якая была пабудаваная на тым месцы пазней
У Гродне археолагі знайшлі фрагменты касцёла канца XVI — сярэдзіны XVII стагоддзя
Наколькі больш помнікаў архітэктуры ахоўваецца ў Польшчы і Літве ў параўнанні з Беларуссю. Жахлівыя лічбы
На таргі трапіла стогадовая сядзіба з калонамі і паркам. Яе нават не трэба аднаўляць
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1515
Каментары