Ніводзін з новых спадарожнікаў, якія прэзентуюцца як расійскі аналаг Starlink, пакуль не выйшаў на належную арбіту
Расія пакуль не здолела належным чынам вывесці на арбіту ніводзін спадарожнік з другой партыі сістэмы «Рассвет», якую плануюць выкарыстоўваць як уласны аналаг Starlink. Пра гэта паведамляе Інстытут вывучэння вайны (ISW).
Другую партыю з 16‑ці спадарожнікаў запусцілі 19 ліпеня. Аднак да 31 жніўня ніводзін з іх не дасягнуў запланаванай вышыні ў 550 кіламетраў. Многія апараты засталіся на вышыні 300—400 кіламетраў, а арбіта некаторых працягвае зніжацца. Прынамсі два спадарожнікі могуць увайсці ў атмасферу Зямлі.
Праблемы былі і з першай партыяй, запушчанай у сакавіку. Толькі 12 з 16 апаратаў здолелі выйсці на запланаваную вышыню. Паводле ISW, яны забяспечвалі расійскім вайскоўцам сувязь з наземнымі тэрміналамі на акупаваных тэрыторыях Украіны толькі двойчы на дзень, прыкладна на паўтары гадзіны.
Знаходжанне на занадта нізкай арбіце скарачае тэрмін службы спадарожнікаў: на іх больш уплывае супраціў верхніх слаёў атмасферы і хутчэй траціцца паліва.
У выніку на канец жніўня толькі 37,5% запушчаных спадарожнікаў «Рассвет» дасягнулі стабільнай працоўнай вышыні. ISW лічыць, што няўдача з другой партыяй можа прывесці да новых затрымак у разгортванні расійскай спадарожнікавай групоўкі.
Расійская кампанія «Бюро 1440», якая распрацоўвае сістэму, заяўляла пра планы правесці яшчэ дзясяткі запускаў і вывесці на арбіту сотні спадарожнікаў. Аднак для гэтага выкарыстоўваецца ракета «Саюз-2.1б», магчымасці якой абмежаваныя.
Паводле ацэнкі ISW, пры цяперашняй частаце запускаў Расія зможа вывесці не больш за 128 такіх апаратаў за чатыры гады, прычым няма гарантыі, што ўсе яны будуць працаздольнымі.
Такім чынам, спроба Расіі хутка стварыць уласную сістэму спадарожнікавай сувязі замест Starlink пакуль сутыкнулася з сур'ёзнымі тэхнічнымі праблемамі.
Яшчэ два спадарожнікі з расійскага аналага Starlink не змаглі падняцца на сваю арбіту
Украіна папрасіла Ілана Маска дазволіць выкарыстанне Starlink для нанясення ўдараў па тэрыторыі Расіі на глыбіню да 200 кіламетраў
Зяленскі ўзнагародзіў Ілана Маска ордэнам Свабоды
Каб перашкодзіць украінскім дронам, Расія спрабуе глушыць Starlink
Цяпер чытаюць
Мінчанка Ангеліна, якая прасіла ў Лукашэнкі кватэру за тройню, атрымала жыллё17
Мінчанка Ангеліна, якая прасіла ў Лукашэнкі кватэру за тройню, атрымала жыллё
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары