Раніцай 6 верасня ратавальнікі атрымалі паведамленне пра пажар у прыватным доме ў вёсцы Дуляўшчына. Пасля ліквідацыі пажару ў адным з пакояў яны знайшлі целы двух братоў, якім было 57 і 59 гадоў.
Паводле папярэдніх звестак, ачаг пажару знаходзіўся там, дзе знайшлі цела аднаго з мужчын. Суседзі расказалі, што браты злоўжывалі алкаголем і рэгулярна курылі ў жылых пакоях.
Разглядаецца некалькі версій узнікнення пажару. Асноўная з іх — неасцярожнае абыходжанне з агнём падчас курэння.
Каментары