Мужчына трапіў у бальніцу пасля выбуху акумулятара для электрасамаката
Інцыдэнт адбыўся ўвечары 4 верасня на тэрыторыі гаражна-будаўнічага кааператыва ў аграгарадку Гатава Мінскага раёна. Прыкладна а 20:20 ратавальнікам паведамілі, што ў бальніцу даставілі беларуса 1984 года нараджэння з апёкамі.
Здымак ілюстрацыйны. Фота з сацсетак
Паводле інфармацыі МНС, акумулятар электрасамаката разарваўся падчас зарадкі. У выніку мужчына атрымаў апёкі і яму спатрэбілася медыцынская дапамога.
Прычыны здарэння і абставіны ўзнікнення пажару цяпер высвятляюцца.
Каментары