На беразе Дуная каля баварскага Кірхрота ў раёне Штраўбінг-Боген 66‑гадовая жанчына падчас прагулкі заўважыла змяю даўжынёй больш за два метры, якая грэлася на сонцы. Яна адразу зразумела, што гэта не мясцовы від, піша Euronews.
«Яна даўжэйшая за нашых звычайных змей», — расказала жанчына паліцыі.
У гэтым рэгіёне добра вядомыя звычайныя і эскулапавыя вужы. Гэтыя неядавітыя рэптыліі звычайна вырастаюць максімум да паўтара метра.
На месца прыбылі паліцыянты і спецыялістка па рэптыліях, якая хутка вызначыла від змеі. Аказалася, што гэта анаконда — буйная змяя з падсямейства ўдаваў, якая паходзіць з Паўднёвай Амерыкі.
Мяркуецца, што некаторы час анаконда жыла ў якасці хатняй жывёліны. Змея дазволіла сябе злавіць без найменшага супраціву.
У Баварыі ўтрыманне анаконды дазваляецца толькі пры строгім выкананні спецыяльных патрабаванняў, бо буйныя ўдавы адносяцца да катэгорыі небяспечных дзікіх жывёл.
Анаконды могуць вырастаць да дзевяці метраў у даўжыню і важыць каля 200 кілаграмаў. Невялікія асобіны ў асноўным харчуюцца птушкамі. Для самцоў гэта застаецца асноўнай здабычай на працягу ўсяго жыцця. Самкі па меры росту пераходзяць на больш буйную здабычу — напрыклад, капібар і маладых аленяў, а таксама кайманаў.
Сваю здабычу анаконда забівае, абвіваючыся вакол яе і сціскаючы цела, пасля чаго праглынае ахвяру цалкам.
На адной з гродзенскіх вуліц заўважылі метровага вужа ФОТЫ
Настаўнік біялогіі ў Пінску прыносіць на ўрокі змяю
Беларус пайшоў гуляць у лес і сустрэў «вужа на максімалках» ФОТАФАКТ
Гіганцкая змяюка напалохала людзей у Мазыры. Высветлілася, што яе выгульваў 12‑гадовы хлопчык
Кроў мужчыны, якога больш за 200 разоў кусалі змеі, стала асновай для ўніверсальнага супрацьяддзя
Цяпер чытаюць
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка10
У перамовах з Коўлам гэтым разам бярэ ўдзел і Турчын. З амерыканскага боку Сміт змяніўся на Паніка
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну55
Каментары
Булгакаў прадбачыў гэта, і напісаў свае "Рокавы яйкі"...