У Іарданіі ў хрысціянскай царкве падчас пахавання пачалася страляніна
Двое ўзброеных невядомых у Іарданіі адкрылі агонь у царкве Хамуд падчас пахавальнай цырымоніі. Паводле інфармацыі дзяржаўных СМІ краіны, загінулі прынамсі сем чалавек, яшчэ не менш за дзесяць атрымалі раненні.
Страляніна адбылася ў мухафазе Эль-Карак. Паводле інфармацыі, нападнікі пад'ехалі да царквы на аўтамабілі, увайшлі ўсярэдзіну і адкрылі агонь, пасля чаго ўцяклі.
На месца здарэння накіравалі супрацоўнікаў сіл бяспекі. Іншыя падрабязнасці пакуль афіцыйна не паведамляюцца.
Відавочцы падзей расказалі, што ў пачатку пахавальнай працэсіі пачуўся выбух, пасля чаго двое мужчын у масках уварваліся ў царкву і адкрылі агонь. Адзін з нападнікаў быў узброены пісталетам, другі — вінтоўкай.
Падобныя атакі ў Іарданіі здараюцца вельмі рэдка. Пакуль ніхто не ўзяў на сябе адказнасць за напад.
Хрысціяне складаюць меншасць насельніцтва краіны, якое налічвае каля 11,5 мільёна чалавек. Але пры гэтым у Іарданіі знаходзіцца некалькі біблейскіх мясцін, якія вабяць хрысціян з усяго свету.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос4
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары