У Латвіі затрымалі грамадзяніна Беларусі, які перавозіў чатырох чалавек, што незаконна перасеклі беларуска-латвійскую мяжу. Здарэнне адбылося ў нядзелю, 25 кастрычніка, у Валміерскім краі.
Супрацоўнікі Дзяржаўнай паліцыі Латвіі спынілі на дарозе аўтамабіль BMW, за рулём якога знаходзіўся беларус. Падчас праверкі ў салоне выявілі чатырох чалавек без дзейных віз або дазволаў на жыхарства. Раней яны незаконна перасеклі мяжу паміж Беларуссю і Латвіяй.
Супраць кіроўцы распачалі крымінальную справу паводле часткі 3.1 артыкула 285 Крымінальнага закона Латвіі. Гэтая норма прадугледжвае адказнасць за незаконнае перамяшчэнне людзей праз дзяржаўную мяжу падчас узмоцненай аховы мяжы або надзвычайнага становішча, уведзенага праз пагрозу яе недатыкальнасці.
Таксама высветлілася, што беларус знаходзіўся ў Латвіі без дзейнай візы або дазволу на жыхарства. Акрамя таго, ён не запоўніў і не падаў абавязковую анкету для прадухілення пагроз дзяржаўнай бяспецы, якую трэба аформіць за 48 гадзін да ўезду ў краіну. За гэтыя парушэнні яго таксама прыцягнулі да адміністрацыйнай адказнасці.
Латвійская памежная ахова заклікала не ўдзельнічаць у арганізацыі або ажыццяўленні перавозак людзей, якія незаконна перасеклі дзяржаўную мяжу, у тым ліку ўнутры Еўрапейскага саюза. Паводле адпаведнага артыкула Крымінальнага закона, за незаконнае перамяшчэнне людзей праз мяжу і іншыя дзеянні, звязаныя з арганізацыяй нелегальнай міграцыі ў Латвію, пагражае ад двух да дзесяці гадоў пазбаўлення волі. Таксама суд можа канфіскаваць маёмасць і прызначыць нагляд тэрмінам да трох гадоў.
Нелегальныя мігранты спрабавалі трапіць у Літву з Беларусі праз вадасцёкавую трубу
Латвія падоўжыла аперацыю па барацьбе з нелегальнай міграцыяй на мяжы з Беларуссю
Узброеныя людзі ў масках сілком гналі мігрантаў з Беларусі ў Латвію, перасеклі мяжу і скралі камеры
У Латвіі выйшаў новы іміграцыйны закон, які пастрожвае ўмовы для беларусаў
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары