Андрэй Расінскі. Кадры44

Зваўкадаўлены фільм

Карціна “Ваўкадаў” Мікалая Лебедзева сталася першым кінарасчараваньнем году.

poster

Карціна “Ваўкадаў” Мікалая Лебедзева сталася першым кінарасчараваньнем году.

Мікалай Лебедзеў – таленавіты рэжысэр, які выдатна праявіў сябе на трымценьніках “Зьмяіная крыніца” і “Паклоньнік” (які, дарэчы, здымаўся ў Менску). Пасьля вайскова-імпэрскае “Зоркі”, здавалася, што Лебедзеў рэабілітуецца на “Ваўкадаве”, тым болей, што фантастычнае й жахлівае – ягоны канёк. Фільм-фэнтэзі пакутліва здымаўся тры гады, рэкляма, што складала ледзьве не палову бюджэту, абяцала вабноты…

Ня верце, калі зашмат абяцаюць!

Ваўкадаў з роду Шэрых Сабакаў помсьціць злыдням, якія зьнішчылі ягоную вёску. У працэсе помсты Ваўкадаў вязе прынцэсу да мужа – і вызваляе сьвет ад прышэсьця злой багіні.

Насамрэч, сюжэт фільму, паводле раману Марыі Сямёнавай, надзіва няўцямны й заблытаны. Лекары-Гэндальфы, магічная кніжка як сьцілка, Жадобы зь Людажэрамі…

Папрокі, што для разуменьня карціны неабходна прачытаць раман – адкідаю. Кіно ёсьць самастойным мастацтвам, а пасьля фільму Лебедзева карціць абыходзіць усе расейскае фэнтэзі за кілямэтр.

Мудрагелістыя развагі пра “сямёнаўскіх” багоў упрыгожваюцца рыкамі, хрыпамі й выцьцём (у гэным асабліва вылучаецца Ніна Ўсатава). Ні з пушчы ні з поля зьяўляецца ўся ў белым актрыса Варлей, каб павучаць героя і лекаваць яго парашком.

Карціна цікавая толькі, калі падлічваць штампы. Старажытнасьць – з “Конана-барбара” і “Плянэты ведзьмаў” (забытая перабудовачная казка), адсечаная рука злыдня – з “Уладара пярсьцёнкаў”, парассыпаныя яблыкі – з Таркоўскага і Даўжэнкі, мост над безданю – з “Дазораў”. А злая багіня чамусьці нагадвае Нацыянальную бібліятэку са звычкамі Мэдузы Гаргоны.

Акторы – у тым ліку й таленавітая Аксана Акіньшына – пазіруюць, адмысловыя эфэкты – анічога дзівоснага. Спачуваньне й ажыўленьне выклікае толькі Нелятучы Мыш, напалову кампутарны маленькі кажан.

Але найбольшае спачуваньне – гледачам, якія з навагодняга бадуна прыйдуць на папарасьцягнуты фільм.

Якому варта было б застацца проста рэклямным ролікам.

“Ваўкадаў з роду Шэрых Сабакаў” (Волкодав из рода Серых Псов)

Расея, 2006, каляровы,136 хв.

Рэжысэр: Мікалай Лебедзеў

Ролі выконваюць: Аляксандар Бухараў, Аксана Акіньшына, Ігар Пятрэнка, Аляксандар Дамагараў, Натальля Варлей, Ніна Ўсатава, Юозас Будрайціс.

Жанр: Фэнтэзі паводле твору Марыі Сямёнавай

Адзнака: 3,5 (з 10)

Усе фільмы

Каментары4

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Усе навіны →
Усе навіны

Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі31

Бум на матчу па ўсім свеце: попыт расце, запасы змяншаюцца5

Пяць парад, як проста пазбавіцца ад паху і плям поту на адзенні3

Расіяне тры гадзіны білі па Харкаве КАБамі, балістыкай і шахедамі. Здзейснена камбінаваная атака на Дняпро2

«Купалаўцы» анансавалі пачатак новага тэатральнага сезона1

Пасажырка «не ўклалася ў таймінг» падчас санітарнага прыпынку — міжнародны аўтобус паехаў без яе5

Стаў вядомы лёс збеглых дзікабразаў у Рэчыцкім раёне2

Берасцеец увозіў у Польшчу бярозавае палена. Аказалася, гэта костка маманта2

Выдаліў акаўнт, пачысціў тэхніку — і ўсё адно прыйшлі. Мікіта Лосік расказаў, як яго вылічылі сілавікі25

больш чытаных навін
больш лайканых навін

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Галоўнае
Усе навіны →

Заўвага:

 

 

 

 

Закрыць Паведаміць