Кіно

Сага «Змярканне» — найлепшы фільм паводле MTV Movie Awards

У ЗША ўручылі прэмію, якая адлюстроўвае густы маладых кінагледачоў.

Уручаныя кінапрэміі тэлеканала MTV: фільм «Галодныя гульні» атрымаў чатыры ўзнагароды, заключная карціна серыяла пра Гары Потэра зраўнялася па колькасці выйграных намінацый з чарговай стужкай з сагі «Змярканне», а Джоні Дэп зрабіў гледачам музыку.

У Лос-Анджэлесе прайшла цырымонія ўзнагароджання лаўрэатаў кінапрэміі тэлеканала MTV — MTV Movie Awards.

Больш за ўсё залатых «вядзерцаў з папкорнам» дасталася фільму «Галодныя гульні»,
экранізацыі першай кнігі трылогіі Сьюзэн Колінз. Выканаўцы галоўных роляў Джэніфер Лоўрэнс і Джош Хатчэрсан былі абраныя тэлегледачамі найлепшымі акторамі ў жаночай і мужчынскай намінацыях,
яны ж заслужылі ўзнагароду за найлепшую бойку на экране (разам з Аляксандрам Людвігам),
а Элізабэт Бэнкс прынесла карціне прыз за найлепшае экраннае ператварэнне. Увогуле, не дарма «Галодным гульням» прадказвалі тую ж ролю, што грала для маладых наведнікаў кінатэатраў сага «Змярканне».

Але стаць абсалютным пераможцам жорсткая гісторыя пра падлеткаў, што забіваюць адно аднаго, так і не змагла: умяшаліся заўсёднікі прэміі музычнага канала некалькіх апошніх гадоў.

Першая частка фільма «Змярканне. Сага. Світанак», як і тры папярэднія карціны франшызы, стала «найлепшым фільмам», ну, а

Роберту Пацінсану і Крыстэн Сцюарт зноў удалося выйграць «пацалункавую» намінацыю.

Зрэшты, гэтым разам гледачы не ўбачылі нічога падобнага да збянтэжанасці Сцюарт пару гадоў таму або яе леташняй рэакцыі на тое, што Пацінсан аддаў перавагу акторцы Тэйлара Лотнера. Сёлета шоу наогул пазбавілася звычайнага для гэтай намінацыі паўтарэння на сцэне экраннага эпізоду: Сцюарт выйшла на сцэну адна, перапрасіла за адсутнасць партнёра — і ўсё.

У актораў са «Змяркання» яшчэ будзе шанец папрасіць прабачэння за цяперашнюю адсутнасць пацалунку: другая частка «Світанку» напэўна паўдзельнічае ў раздачы ўзнагарод MTV у 2013 годзе. А вось сталы супернік «Змяркання» ў барацьбе за галоўныя прызы — серыял пра Гары Потэра — ужо завяршыўся: у канцы мінулага года выйшла карціна «Гары Потэр і Дары смерці. Частка 2», якой не ўдалося перамагчы ні ў адной з асноўных намінацый. Нібы ў суцяшэнне гледачы ўручылі фільму два прызы:

Дэніэл Рэдкліф, Эма Уотсан, Руперт Грынт і Том Фелтан былі ўзнагароджаныя за найлепшую акторскую каманду, а персанаж Рэдкліфа стаў найлепшым кінагероем, апярэдзіўшы і Капітана Амерыку, і Тора, і сыграную Лоўрэнс у «Галодных гульнях» Кэтніс Эвердын.

Кінапрэмія тэлеканала MTV закрывае сезон узнагароджання фільмаў 2011 года, праўда, робіць гэта ўмоўна: уключаць у спіс прэтэндэнтаў дазволена любую карціну, толькі б яна выйшла да пачатку намінацый. Ды і сама прэмія, па сутнасці, толькі ўмоўнасць і зусім не прэтэндуе на тое, каб стаць «Оскарам»:

нікому ў здаровым розуме не прыйдзе ў галаву насамрэч лічыць найлепшым фільмам апошніх чатырох гадоў штогадовае «Змярканне». А вось у рамках MTV Movie Awards такое цалкам магчыма: бо гэта ўсяго толькі шоу, якое заадно дэманструе і густы маладых кінагледачоў;
адсюль і саперніцтва ўмоўнага Гары Потэра з умоўнай Бэлай Свон, адсюль і пацешныя намінацыі.

У гэтым годзе, напрыклад,

гледачоў чакала не толькі расчараванне ад таго, што Пацінсан чарговы раз умела выкруціўся ад пацалунку са Сцюарт, але і выбар найлепшага «экраннага вырадка» (Best On-Screen Dirt Bag), гэта значыць актора, які здолеў найбольш праўдзіва перадаць усю глыбіню падзення самага непрыемнага героя.
Асноўныя фільмы-пераможцы ў гэтай намінацыі прадстаўленыя не былі, затое ў яе двойчы трапіла камедыя «Невыносныя босы», ну, а сам прыз дастаўся акторцы Джэніфер Эністан, якая пераканаўча сыграла ў гэтай стужцы аднаго з начальнікаў.

Цэнтральным нумарам усяго вечара аказалася ўзнагароджанне бестурботнага Джоні Дэпа, якому дастаўся ганаровы прыз «Прызнанне пакалення».

Выйшаўшы на сцэну разам з рок-гуртом The Black Keys, Дэп адыграў дзве песні, нагадаўшы, што ён яшчэ і музыка, а

атрымліваючы ўзнагароду з рук «калегаў» з Aerosmith Стывена Тайлера і Джо Пэры, актор пажартаваў, што гэты прыз лепш бы назваць «Прэч з кіно» або «Ты здымаўся зашмат»,
але ў выніку пагадзіўся прыняць шклянку з папкорнам.

У астатніх намінацыях сюрпрызаў не здарылася. Дзве з іх здолела выйграць расхваленая крытыкамі камедыя «Дзявочнік ў Вегасе»: прызы ёй дасталіся за самую трагічную сцэну, сыграную амаль усімі занятымі ў карціне акторкамі, а таксама за найлепшую камедыйную ролю — тут заслуга належыць Мелісе Макарці. Яшчэ адну спецузнагароду MTV — Trailblazer Award, «першапраходца года» — атрымала Эма Стоўн за ўпэўненую кар’еру; «прарывам года» гледачы музычнага тэлеканала назвалі Шэйлін Вудлі, якая выйграла адзіны «папкорн» для «Нашчадкаў» Аляксандра Пэйна, якія сур’ёзна змагаліся за «Оскар». Ну, а найлепшай песняй зможа пахваліцца камедыя «Мачо і батан», у якой прагучала «Party Rock Anthem» гурта LMFAO.

Каментары

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны2

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

Эйсмант разлічвае, што на перамовах па Украіне спрацуюць беларускія карані Кушнера15

У Мінску пасля пяці месяцаў працы закрываецца піцэрыя Foca1

З Кастрычніцкай у Мінску знік партрэт Караткевіча. Аўтар патлумачыў, чаму замяніў яго9

Пентагон скароціць менш амерыканскіх вайскоўцаў у Еўропе, чым планавалася раней

Сабаленка ўнеслі ў базу «Міратворца» пасля скандалу на матчы з украінкай Світолінай25

«Дзякуй жанчынам, якія дачакаліся». Tor Band паказалі сваю першую рэпетыцыю3

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны2

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць