Saha «Źmiarkańnie» — najlepšy film pavodle MTV Movie Awards

Uručanyja kinapremii telekanała MTV: film «Hałodnyja hulni» atrymaŭ čatyry ŭznaharody, zaklučnaja karcina sieryjała pra Hary Potera zraŭniałasia pa kolkaści vyjhranych naminacyj z čarhovaj stužkaj z sahi «Źmiarkańnie», a Džoni Dep zrabiŭ hledačam muzyku.

U Łos-Andželesie prajšła cyrymonija ŭznaharodžańnia łaŭreataŭ kinapremii telekanała MTV — MTV Movie Awards.

Bolš za ŭsio załatych «viadziercaŭ z papkornam» dastałasia filmu «Hałodnyja hulni»,

jany ž zasłužyli ŭznaharodu za najlepšuju bojku na ekranie (razam z Alaksandram Ludviham),

Ale stać absalutnym pieramožcam žorstkaja historyja pra padletkaŭ, što zabivajuć adno adnaho, tak i nie zmahła: umiašalisia zaŭsiodniki premii muzyčnaha kanała niekalkich apošnich hadoŭ.

Pieršaja častka filma «Źmiarkańnie. Saha. Śvitanak», jak i try papiarednija karciny franšyzy, stała «najlepšym filmam», nu, a

Robiertu Pacinsanu i Krysten Ściuart znoŭ udałosia vyjhrać «pacałunkavuju» naminacyju.

Zrešty, hetym razam hledačy nie ŭbačyli ničoha padobnaha da źbiantežanaści Ściuart paru hadoŭ tamu abo jaje letašniaj reakcyi na toje, što Pacinsan addaŭ pieravahu aktorcy Tejłara Łotniera. Sioleta šou naohuł pazbaviłasia zvyčajnaha dla hetaj naminacyi paŭtareńnia na scenie ekrannaha epizodu: Ściuart vyjšła na scenu adna, pieraprasiła za adsutnaść partniora — i ŭsio.

U aktoraŭ sa «Źmiarkańnia» jašče budzie šaniec paprasić prabačeńnia za ciapierašniuju adsutnaść pacałunku: druhaja častka «Śvitanku» napeŭna paŭdzielničaje ŭ razdačy ŭznaharod MTV u 2013 hodzie. A voś stały supiernik «Źmiarkańnia» ŭ baraćbie za hałoŭnyja pryzy — sieryjał pra Hary Potera — užo zaviaršyŭsia: u kancy minułaha hoda vyjšła karcina «Hary Poter i Dary śmierci. Častka 2», jakoj nie ŭdałosia pieramahčy ni ŭ adnoj z asnoŭnych naminacyj. Niby ŭ suciašeńnie hledačy ŭručyli filmu dva pryzy:

Denieł Redklif, Ema Uotsan, Rupiert Hrynt i Tom Fiełtan byli ŭznaharodžanyja za najlepšuju aktorskuju kamandu, a piersanaž Redklifa staŭ najlepšym kinahierojem, apiaredziŭšy i Kapitana Amieryku, i Tora, i syhranuju Łoŭrens u «Hałodnych hulniach» Ketnis Evierdyn.

Kinapremija telekanała MTV zakryvaje siezon uznaharodžańnia filmaŭ 2011 hoda, praŭda, robić heta ŭmoŭna: uklučać u śpis pretendentaŭ dazvolena lubuju karcinu, tolki b jana vyjšła da pačatku naminacyj. Dy i sama premija, pa sutnaści, tolki ŭmoŭnaść i zusim nie pretenduje na toje, kab stać «Oskaram»:

nikomu ŭ zdarovym rozumie nie pryjdzie ŭ hałavu nasamreč ličyć najlepšym filmam apošnich čatyroch hadoŭ štohadovaje «Źmiarkańnie». A voś u ramkach MTV Movie Awards takoje całkam mahčyma: bo heta ŭsiaho tolki šou, jakoje zaadno demanstruje i husty maładych kinahledačoŭ;

U hetym hodzie, naprykład,

hledačoŭ čakała nie tolki rasčaravańnie ad taho, što Pacinsan čarhovy raz umieła vykruciŭsia ad pacałunku sa Ściuart, ale i vybar najlepšaha «ekrannaha vyradka» (Best On-Screen Dirt Bag), heta značyć aktora, jaki zdoleŭ najbolš praŭdziva pieradać usiu hłybiniu padzieńnia samaha niepryjemnaha hieroja.

Centralnym numaram usiaho viečara akazałasia ŭznaharodžańnie biesturbotnaha Džoni Depa, jakomu dastaŭsia hanarovy pryz «Pryznańnie pakaleńnia».

Vyjšaŭšy na scenu razam z rok-hurtom The Black Keys, Dep adyhraŭ dźvie pieśni, nahadaŭšy, što jon jašče i muzyka, a

atrymlivajučy ŭznaharodu z ruk «kalehaŭ» z Aerosmith Styviena Tajlera i Džo Pery, aktor pažartavaŭ, što hety pryz lepš by nazvać «Preč z kino» abo «Ty zdymaŭsia zašmat»,

U astatnich naminacyjach siurpryzaŭ nie zdaryłasia. Dźvie ź ich zdoleła vyjhrać raschvalenaja krytykami kamiedyja «Dziavočnik ŭ Viehasie»: pryzy joj dastalisia za samuju trahičnuju scenu, syhranuju amal usimi zaniatymi ŭ karcinie aktorkami, a taksama za najlepšuju kamiedyjnuju rolu — tut zasłuha naležyć Mielisie Makarci. Jašče adnu śpiecuznaharodu MTV — Trailblazer Award, «pieršaprachodca hoda» — atrymała Ema Stoŭn za ŭpeŭnienuju karjeru; «praryvam hoda» hledačy muzyčnaha telekanała nazvali Šejlin Vudli, jakaja vyjhrała adziny «papkorn» dla «Naščadkaŭ» Alaksandra Pejna, jakija surjozna zmahalisia za «Oskar». Nu, a najlepšaj pieśniaj zmoža pachvalicca kamiedyja «Mačo i batan», u jakoj prahučała «Party Rock Anthem» hurta LMFAO.

• 0
• 0
• 0
• 0
• 0
• 0
• 0
• 0