Мінскія ўлады будуць прымаць самыя жорсткія меры па фактах пабораў у сталічных школах.
Намеснік старшыні Мінгарвыканкама Ігар Карпенка падкрэсліў:
«Калі пабачым факты, што бацькоў прымушаюць збіраць сродкі, дзесьці наогул на непрадуманыя мэты, або настаўнікі, адміністрацыя школы адыгрываюцца неяк на дзецях, чые мамы і таты адмовіліся здаваць грошы, то будзем прымаць самыя жорсткія меры да такіх кіраўнікоў і педагогаў».
Зараз у школах дзейнічаюць бацькоўскія камітэты, апякунскія рады, адкрыты спецыяльныя рахункі для збору шэрагу ахвяраванняў, у тым ліку і ад бацькоў. «Вядома, з бюджэту выдзяляюцца грошы на патрэбы ўстаноў адукацыі, але тут ёсць прыярытэты, — заўважыў намеснік старшыні гарвыканкама. — Бацькі сумесна са школай павінны вызначыць, што яны хочуць зрабіць і дзеля чаго. Напрыклад, прапануюць закупіць нейкія дадатковыя сродкі адукацыі. Справа патрэбная.
Але ўсё павінна быць у рамках разумнага і рабіцца добраахвотна. Ніякай абавязалаўкі!»
«Мяне здзіўляе, калі бацькі прымаюць рашэнне скінуцца па 400 еўра, каб зладзіць сваім дзецям выпускны вечар у Палацы Рэспублікі. Гэта непатрэбная раскоша, можна правесці ўрачыстасць і ў сценах роднай школы, прычым з найменшымі выдаткамі, — мяркуе ён. —Паводле слоў Ігара Карпенкі, любую добрую ідэю можна давесці да абсурду.
Да таго ж дзіця толькі скончыла 11 класаў, нічога выбітнага ў жыцці не зрабіла, каб з такой пампезнасцю святкаваць.Калі сустракаюся з хлопцамі, заўсёды кажу: самы шчаслівы рубель — зароблены ўласнай працай, тады яго пачынаеш цаніць».
А што Вы думаеце наконт пабораў у школах? Ці ўжо сутыкнуліся з пачаткам навучальнага года?
0
0
0
0
0
0