Белстат: Сярэдні заробак у Беларусі дасягнуў 4 млн рублёў 1

Намінальная налічаная сярэднямесячная заработная плата работнікаў Беларусі ў студзені — жніўні 2012 года склала Br3 млн. 448,2 тыс., паведаміла прэс-сакратар Нацыянальнага статыстычнага камітэта Алена Кандраценка.

Намінальная налічаная сярэдняя зарплата работнікаў у жніўні 2012 года склала Br4 млн. 84,9 тыс. і павялічылася ў параўнанні з ліпенем на 4%, або на Br159 тыс.

Рэальная заработная плата (заработная плата, разлічаная з улікам росту спажывецкіх цэн на тавары і паслугі) у студзені-жніўні бягучага года ў параўнанні са студзенем-жніўнем 2011 года павялічылася на 13,3%, у жніўні ў параўнанні з ліпенем 2012 года — на 1,7%.

Паводле аператыўных статыстычных даных, у жніўні ў прамысловасці сярэдняя заработная плата склала Br4 млн. 666,1 тыс., на транспарце і ў сувязі — Br4 млн. 658,4 тыс., у будаўніцтве — Br5 млн. 150 тыс., у адукацыі — Br2 млн. 630,1 тыс.

(у тым ліку настаўнікаў — Br3 млн. 99,1 тыс., прафесарска-выкладчыцкага складу — Br4 млн. 117,7 тыс.), у сельскай гаспадарцы, паляванні і лясной гаспадарцы — Br3 млн. 253 тыс. Заработная плата работнікаў аховы здароўя і прадастаўлення сацыяльных паслуг у жніўні склалася ў памеры Br3 млн. 22 тыс., у тым ліку ў галіне аховы здароўя — Br3 млн. 102,1 тыс. Сярэдняя заработная плата ўрачоў склала Br4 млн. 996,3 тыс., сярэдняга медыцынскага персаналу — Br2 млн. 999,5 тыс.

БелТА

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ