Мілінкевіч: «Спадар Радзькоў, на жаль, не вырашае сур’ёзныя пытаньні»
 Аляксандар Радзькоў |
 Аляксандар Мілінкевіч |
Старшыня прапрэзыдэнцкага грамадзкага аб’яднаньня «Белая Русь» Аляксандар Радзькоў заявіў пра гатоўнасьць супрацоўнічаць з апазыцыйнымі лідэрамі.
«Мы маем намер супрацоўнічаць з усімі зацікаўленымі асобамі, у тым ліку й з апазыцыйнымі. Нам цікавая гэтая дыскусія, сутыкненьне меркаваньняў. Мы гатовыя да размовы і дыялёгу з усімі і з кожным», — сказаў лідэр аб’яднаньня, міністар адукацыі Аляксандар Радзькоў у інтэрвію «Народнай волі».
У сваю чаргу лідэр апазыцыйнага аб’яднаньня «За свабоду» Аляксандар Мілінкевіч успрыняў словы Радзькова без асаблівага энтузіязму.
«Я думаю, што ўлада цяпер у цяжкім становішчы, і таму становіцца больш гнуткай, але я пакуль бачу толькі дэклярацыі і ня бачу ніякіх крокаў», — сказаў Мілінкевіч у інтэрвію Эўрарадыё.
На думку Мілінкевіча,
«спадар Радзькоў, на жаль, не вырашае сур’ёзныя пытаньні».
«Але калі будуць такія прапановы, я заўсёды буду з задавальненьнем сустракацца. Лічу, што дыялёг вельмі важны», — падсумаваў Мілінкевіч.
-
Збег абставінаў, які можна было прадухіліць. Як Лукашэнка перамог на выбарах-1994 і чаму гісторыя магла пайсці інакш
-
Аналітык назваў тры прычыны таго, чаму Украіна захоўвае дыпламатычныя адносіны з Беларуссю
-
Чаму кіраўніком сваёй Адміністрацыі Лукашэнка паставіў Дзмітрыя Крутога? Ён можа стаць пераемнікам?
Каментары