Прадстаўнікі раcійскай ФСВП і пракуратуры папрасілі Замаскварэцкі суд Масквы змяніць меру стрымання Аляксею Навальнаму з хатняга арышту на ўтрыманне пад вартай. Пра гэта ў пятніцу, 1 жніўня, паведаміў у сваім твітары з залы суда фотакарэспандэнт «Новой Газеты» Яўген Фельдман.
Паводле яго слоў, меру стрымання просяць змяніць з-за парушэнні Навальным умоваў хатняга арышту.
Замаскварэцкі суд праводзіць папярэднія слуханні па справе «Іў Рашэ» супраць Навальнага і яго брата Алега. Пасяджэнне праходзіць у закрытым рэжыме.
У канцы красавіка хатні арышт Навальнага працягнулі на паўгода. Алег Навальны знаходзіцца пад падпіскай аб нявыездзе
Аляксей Навальны і яго брат Алег абвінавачваюцца ў крадзяжы звыш 26 мільёнаў расійскіх рублёў у «Іў Рашэ» і больш за чатыры мільёны рублёў у фірмы «Шматпрофільная працэсінгавая кампанія».
У блогу Навальнага раней з'явілася інфармацыя аб тым, што «Іў Рашэ» паведаміла следству аб адсутнасці ўрону ў выніку супрацоўніцтва з ТАА «Галоўпадпіска» з 2008 па 2012 гады. Паводле абвінавачання, на рахункі гэтай фірмы Навальны і яго брат Алег з 2008 па 2011 гады пералічылі выкрадзеныя ў французскай кампаніі сродкі.
«Я мусіла глядзець месца для людзей, якія пераходзяць мяжу. Што можа пайсці не так?» Драматычная гісторыя арышту Алесі Буневіч5
«Я мусіла глядзець месца для людзей, якія пераходзяць мяжу. Што можа пайсці не так?» Драматычная гісторыя арышту Алесі Буневіч
«Мой каханы не чытае навіны, калі яны напісаныя па-беларуску». Дар'я Царык стала на абарону рускай мовы і прыпляла нават Пазняка75
Каментары