Дзяржаўны сакратар Міністэрства замежных спраў Латвіі Андрэй Пілдэговіч 28 красавіка ў Рызе перадаў кіраўнікам дыпламатычных місій Азербайджана, Арменіі, Беларусі, Грузіі, Малдовы і Украіны афіцыйныя запрашэнні на саміт Усходняга партнёрства. Пра гэта паведамілі БелаПАН у МЗС Латвіі.
Саміт УП адбудзецца ў Рызе 21—22 мая. Афіцыйныя запрашэнні краінам — удзельніцам УП падпісалі старшыня Еўрапейскага парламента Дональд Туск, старшыня Еўрапейскай камісіі Жан Клод Юнкер і прэм'ер-міністр Латвіі Лаймдота Страуюма.
Уручаючы афіцыйныя запрашэнні, Пілдэговіч падкрэсліў, што Рыжскі саміт дасць магчымасць ацаніць дасягнуты прагрэс з часу папярэдняга саміта Усходняга партнёрства, які прайшоў у Вільнюсе восенню 2013 года. Апрача таго, у Рызе будзе абмяркоўвацца развіццё палітыкі УП і супрацоўніцтва паміж ЕС і дзяржавамі-партнёрамі УП у межах двухбаковага і шматбаковага ўзаемадзеяння.
Падчас сустрэчы Пілдэговіч і паслы краін Усходняга партнёрства абмяняліся думкамі аб падрыхтоўцы да Рыжскага саміта. Як зазначылі ў МЗС Латвіі, паслы высока ацанілі зробленае па падрыхтоўцы да саміта УП.
Рэалізацыя ініцыятывы ЕС «Усходняе партнёрства» пачалася ў маі 2009 года. Адна з асноўных мэтаў УП — садзейнічаць стварэнню палітычнай асацыяцыі і эканамічнай інтэграцыі ЕС з усходнімі суседзямі. У праграму Усходняга партнёрства ўваходзяць Арменія, Азербайджан, Беларусь, Грузія, Малдова і Украіна. У праграмы УП ёсць два кірункі: двухбаковае (уключае ў сябе двухбаковае супрацоўніцтва ЕС і дзяржаў-партнёраў) і шматбаковае (дае агульную платформу для супрацоўніцтва краін ЕС і Усходняга партнёрства ў шэрагу абласцей).
Першы саміт УП адбыўся ў 2009 годзе ў Празе (Чэхія), другі — у 2011 годзе ў Варшаве (Польшча), трэці — у 2013 годзе ў Вільні (Літва).
Беларускія спецслужбы купілі на імя Рамана Пратасевіча два аўтамабілі ў Польшчы. Нашто?6
Каментары