П'яны пяцікурснік пашкодзіў тры аўтамабілі на стаянцы паблізу гандлёвага цэнтра ў Гродне, паведаміў супрацоўнік прэс-службы УУС аблвыканкама Ігар Белазёраў.
Міліцыя затрымала жыхара Гродна — студэнта 5-га курса. Па звестках УУС, у ноч з суботы на нядзелю малады чалавек добра выпіў, пасля чаго яго пацягнула на прыгоды. Ён апынуўся на стаянцы сярод машын ля гандлёвага цэнтра «Олд Сіці» і стаў біць аўтамабілі рукамі і нагамі. Таксама ён паскакаў на капоце і даху адной з машын.
Усяго пашкоджаныя тры аўтамабілі. У двух выпадках пацярпелымі аказаліся гродзенцы, трэці аўтамабіль належаў госцю з Гомеля.
0
0
0
0
0
0