У студзені 2016 года беларускі экспарт тавараў і паслуг знізіўся на 18,5% да студзеня мінулага года — да 1,976 млрд даляраў. Год таму ў студзені таксама было сур'ёзнае падзенне экспарту — на 24,2%, г.зн. студзень гэтага года аказаўся горшым за студзень дакрызіснага 2014 года ўжо на 38%. Пры гэтым сальда гандлю таварамі і паслугамі ў пачатку 2016 га аказалася станоўчым - 111,2 млн даляраў, але гэта ў 4 разы менш станоўчага студзеньскага сальда мінулага года, паведамляе Нацбанк.
Зніжэнне студзеньскага экспарту да снежня мінулага года склала 26,8%.
Імпарт тавараў і паслуг у студзені ўпаў на 5,2% - да 1,865 млрд.
Станоўчым аказалася і традыцыйна мінусуючае сальда гандлю таварамі - 6,4 млн даляраў (зрэшты, мінулы год таксама пачыналі з плюсу, але ў выніку адмоўнае сальда па выніках года склала мінус 2,118 млрд даляраў).
Экспарт тавараў у студзені 2016 га года скараціўся на 21,2% - да 1,561 млрд даляраў, імпарт - на 8,3%, да 1,555 млрд.
Больш сур'ёзны ўклад у дадатнае сальда ўнеслі паслугі. Зніжэнне іх экспарту было больш сціплым - аб'ём склаў 415 млн даляраў, што на 6,6% менш студзеня 2015 года года. Імпарт вырас на 14,3%, склаўшы 310,2 млн даляраў. Сальда знешняга гандлю паслугамі было станоўчым - 104,8 млн даляраў.
