У сталіцы Афганістана Кабуле сёння прагрымеў магутны выбух. Паводле паведамленняў паліцыі, ён адбыўся ў цэнтральнай частцы горада недалёка ад замежных пасольстваў і прэзідэнцкага палаца.
«Гэта быў начынены выбухоўкай аўтамабіль каля нямецкай амбасады, аднак побач ёсць і іншыя важныя ўстановы. Цяжка сказаць, што было мэтай [нападу]», — цытуе Рэйтэр прадстаўніка кабульскай паліцыі.
Паводле апошніх звестак, загінулі прынамсі 80 чалавек. Колькасць параненых перавысіла 300 чалавек.
Як паведамляе нямецкае агенцтва DPA, сярод пацярпелых ёсць супрацоўнікі нямецкай дыпмісіі, адзін з ахоўнікаў пасольства загінуў.
Выбух быў такой магутнасці, што пашкодзіў дамы на адлегласці некалькіх сотняў метраў.
![Клас Клас](https://nashaniva.com/images/reactions/reaction-like.png)
0
![Панылы сорам Панылы сорам](https://nashaniva.com/images/reactions/reaction-facepalm.png)
0
![Ха-ха Ха-ха](https://nashaniva.com/images/reactions/reaction-smile.png)
0
![Ого Ого](https://nashaniva.com/images/reactions/reaction-omg.png)
0
![Сумна Сумна](https://nashaniva.com/images/reactions/reaction-sad.png)
0
![Абуральна Абуральна](https://nashaniva.com/images/reactions/reaction-anger.png)
0