Навукоўцы: продкі чалавека пачалі хадзіць на дзвюх нагах 4 мільёны, а не 500 тысяч год таму
Продкі чалавека маглі хадзіць на дзвюх нагах больш за 4 мільёны гадоў таму, то бок нашмат раней за агульнапрыняте ўяўленне пра эвалюцыю. Пра гэта сведчаць вынікі працы даследчыцы Універсітэта Нью-Ёрка Элайн Казма, апублікаваныя ў часопісе Proceedings of the National Academy of Sciences.
Аналіз рэшткаў шкілета Ardipithecus ramidus узростам да 4,4 мільёна гадоў паказаў, што гэты старажытны гамінід мог, як і сучасны чалавек, хадзіць на дзвюх нагах.
Навукоўцы традыцыйна мяркуюць, што старажытныя продкі людзей, такія як аўстралапітэк Люсі, які жыў 3,1 мільёна гадоў таму, не былі прыстасаваныя да хаджэння на дзвюх нагах, бо ўсё яшчэ працягвалі жыць пераважна на дрэвах. Паводле тэорыі антрапагенезу, чалавек прамаходзячы, або Homo erectus, з'явіўся ў перыяд ад 1,4 мільёна гадоў да 500 тысяч гадоў таму.
У сваю чаргу новае даследаванне паказвае, што здольнасць хадзіць на двух нагах не замяняла іншыя здольнасці старажытных млекакормячых, а развівалася паралельна.
Пяць фактаў пра Наталлю Пяткевіч — самую ўплывовую чыноўніцу Беларусі да з'яўлення Качанавай і Эйсмант26
Каментары