Трыццаць першы месяц насельніцтва Беларусі застаецца чыстым прадаўцом наяўнай валюты, прычым у жніўні чысты продаж наяўнай валюты вырас на 19,5% супраць ліпеня, да 199,8 млн даляраў, паводле матэрыялаў Нацбанка.
Пры гэтым і продаж, і купля наяўнай валюты ў жніўні раслі. Грамадзяне здалі на 5,4% больш валюты, чым у ліпені, — 724,4 млн даляраў, гэта максімальны аб'ём у гэтым годзе. Пакупка вырасла ўсяго на 0,9%, да 524,6 млн даляраў.
За восем месяцаў гэтага года беларусы здалі 1,404 млрд даляраў чыстымі, за ўвесь мінулы год - 2,2 млрд даляраў, у 2016 годзе чысты продаж склаў больш за 2,4 млрд даляраў.
Суб'екты гаспадарання ў студзені-жніўні былі чыстымі пакупнікамі валюты (аб'ём куплі перавысіў продаж на 304,9 млн даляраў).
Ужо трэці год грамадзяне прадаюць валюту, у тым ліку дэпазіты, імкнучыся захаваць спажыванне пры зніжэнні ўзроўню даходаў. Эксперты прагназуюць, што ў гэтым годзе тэндэнцыя захаваецца.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)