У Цэнтральным раёне Мінска затрыманы псіхічна нездаровы мужчына, які ўчыняў крадзяжы з незачыненых кватэр, калі там знаходзіліся гаспадары.
Як паведамляецца на сайце ГУУС Мінгарвыканкама, больш за дзесяць такіх крадзяжоў адбылося ў Цэнтральным раёне з верасня гэтага года. Злодзей проста тузаў за ручкі ўваходных дзвярэй — правяраў гаспадароў на пільнасць. Краў, што першае траплялася пад руку.
Устаноўлена, што затрыманы неаднойчы лячыўся ў розных псіхіятрычных бальніцах.
Згодна са статыстыкай, больш за палову кватэрных крадзяжоў у Мінску ўчыняецца з‑за бестурботнасці саміх гаспадароў.
0
0
0
0
0
0
