У Латвіі збіраюцца забараніць ездзіць у Беларусь дзяржаўным службоўцам
Адпаведны законапраект падрыхтавала камісія Сейма Латвіі па нацыянальнай бяспецы. Калі закон прымуць, то ён закране службоўцаў, якія маюць доступ да дзяржаўнай таямніцы, адказваюць за бяспеку крытычнай інфраструктуры, а таксама супрацоўнікаў Мінабароны, МУС, Мінюста, Бюро па прадухіленні і барацьбе з карупцыяй, падатковай і мытнай паліцыі і вайсковых аб'ектаў, піша Delfi.lt.
На мяжы Латвіі з Беларуссю. На тым беразе Дзвіны — беларуская Друя. Фота з сацсетак
Таксама забарона будзе тычыцца паездак у Расію, а таксама распаўсюджвацца на транзітныя паездкі.
Латвійскім чыноўнікам будзе дазволена наведваць Беларусь і Расію толькі ў сувязі з выкананнем службовых абавязкаў або па гуманітарных меркаваннях пры ўмове атрымання дазволу на часовы выезд з Латвіі.
Парушэнне правіл будзе лічыцца падставай для спынення з супрацоўнікам працоўных адносін.
Чытайце таксама:
Латвія працягнула забарону на выдачу віз беларусам
Латвійскі парламент падтрымаў забарону на турыстычныя паездкі ў Беларусь
Сейм Латвіі падтрымаў забарону на куплю маёмасці грамадзянамі Беларусі
Спецслужбы Латвіі: уступленне Беларусі ў вайну супраць Украіны малаверагоднае