У Аўстрыі хлопца судзілі за тое, што адправіў у Германію паштовай пасылкай жывую котку

Інцыдэнт адбыўся ў горадзе Хагенбрун. Супрацоўнік лагістычнага цэнтра паштовай службы знайшоў у пашкоджанай паштовай скрынцы жывую котку. Высветлілася, што 20‑гадовы жыхар Вены спрабаваў адправіць яе ў Германію разам з іншымі пасылкамі, піша выданне Kronen Zeitung.

Фота: Krone KREATIV/Sophie Pratschner

Котка па мянушцы Шана правяла ў кардоннай скрынцы больш за суткі без ежы і вады. Унутры быў толькі невялікі слой напаўняльніка. На шчасце, жывёліну своечасова знайшлі і выратавалі.

Суд прызнаў маладога чалавека вінаватым і прызначыў яму шэсць месяцаў умоўнага пакарання. Пракурор адзначыў, што такія дзеянні з’яўляюцца асабліва жорсткім абыходжаннем з жывёламі.

Падчас суда абвінавачаны адмаўляў сваю віну і сцвярджаў, што яго нібыта падставілі, а кошку нібыта хтосьці скраў. Ён нават выказаў версію, што паштальён мог забраць жывёліну самастойна. Аднак ніякіх доказаў на карысць такой версіі ён не падаў.

Таксама следства ўстанавіла, што пасля «знікнення» коткі ён не рабіў спроб яе знайсці. У выніку суд не паверыў яго тлумачэнням. Сам мужчына заявіў, што будзе абскарджваць прысуд.

Котка ж у выніку знайшла новы дом і цяпер у бяспецы.

Каментары да артыкула