Мерц пазваніў Трампу і правёў з ім «добразычлівую» размову
Федэральны канцлер Германіі Фрыдрых Мерц правёў тэлефонную размову з прэзідэнтам ЗША Дональдам Трампам пасля абвяшчэння перамір’я паміж ЗША і Іранам. Паводле інфармацыі Bild, размова была кароткай і прайшла ў добразычлівай атмасферы.
Фрыдрых Мерц і Дональд Трамп. Здымак ілюстрацыйны. Фота: Suzanne Plunkett, Pool Photo via AP
Фрыдрых Мерц, як паведамляецца, хацеў даведацца, на якой стадыі знаходзяцца дыпламатычныя намаганні па ўрэгуляванні канфлікту.
Да гэтага ён вітаў перамір’е і выказаў падзяку Пакістану за пасрэдніцтва. На яго думку, перамовы неабходныя не толькі для спынення эскалацыі, але і для абароны мірнага насельніцтва Ірана і гарантавання бяспекі ў рэгіёне.
Мерц таксама падкрэсліў важнасць недапушчэння глабальнага энергетычнага крызісу. Ён адзначыў, што Германія падтрымлівае цесны кантакт са Злучанымі Штатамі і іншымі партнёрамі і будзе ўдзельнічаць у забеспячэнні свабоды суднаходства ў Армузскім праліве.
Падчас правядзення ЗША і Ізраілем ваенных дзеянняў Мерц неаднаразова крытыкаваў дзеянні Трампа і адмовіўся іх падтрымаць, кажучы, што гэта не вайна Германіі і Еўропы. Трамп у адказ выказваўся таксама вельмі востра.
Чытайце таксама:
Як пагроза з боку Расіі зрабіла Германію вядучай вайсковай сілай Еўропы
Мерц падвергнуў рэзкай крытыцы дзеянні Трампа на Блізкім Усходзе
Мерц абвінаваціў Трампа ў «маштабнай эскалацыі» канфлікту з Іранам
Трамп: Калі для Еўропы вайна ў Іране — не іх вайна, то і вайна ва Украіне — не наша
Як адрэагавалі ў свеце на аперацыю ЗША і Ізраіля супраць Ірана