Раней невядомыя дэталі званка Меркель Ціханоўскай
Галоўны дарадца Святланы Ціханоўскай Франак Вячорка падзяліўся ў сацсетках падрабязнасцямі таго, як у 2021 годзе тагачасная федэральная канцлерка Германіі Ангела Меркель пасля таго, як у разгар мігранцкага крызісу на межах Беларусі з краінамі Еўрасаюза паразмаўляла з Лукашэнкам, звязалася і з Ціханоўскай.
Святлана Ціханоўская падчас размовы з Ангелай Меркель. Скрыншот з відэа
«Меркель званіла Лукашэнку двойчы ў 2021. Мэта была — спыніць гібрыдныя атакі Лукашэнкі на Еўрасаюз.
На жаль, той званок не толькі не прывёў да нейкага выніку, але ў выніку прынізіў і канцлерку, і Еўропу. У гэтым і была мэта Лукашэнкі. Лука выставіў ультыматум, а мігрантаў як пасылаў раней, так і працягнуў пасылаць.
Пасля канцлерка пазваніла Ціханоўскай і распавяла дэталі. У яе сапраўды былі высокія мэты і спадзяванне, што размовай можна паўплываць на Лукашэнку. Меркель пыталася Ціханоўскую пра Сяргея [Ціханоўскага] і Машу [Калеснікаву], хаця ў размове з Лукашэнкам пытанне палітвязьняў не падымала.
Выказала думку, што Расея не адпусціць Лукашэнку і будзе ўсяляк нам замінаць. Гаварыла таксама, што Лукашэнка спрабуе унесці раскол у пазіцыю Еўропы. Ужо тады Пуцін разам з Лукашэнкам рыхтаваліся да вайны», — піша Франак Вячорка.
Чытайце таксама:
Святлана Ціханоўская гаварыла па тэлефоне з Ангелай Меркель
Берлін адхіліў прапанову Мінска забраць 2000 мігрантаў
Нямецкі Bild апублікаваў дэталі першай размовы Лукашэнкі з Меркель
Меркель зноў размаўляла з Лукашэнкам пра мігранцкі крызіс
Святлана Алексіевіч: Меркель перабольшвае, калі лічыць, што на Лукашэнку можна ўплываць