Аляксандр Лукашэнка і канцлер Нямеччыны Ангела Меркель паразмаўлялі па тэлефоне, паведаміў тэлеграм-канал «Пул першага».
Размова доўжылася каля 50-ці хвілін, зазначаецца ў паведамленні.
Падчас размовы быў абмеркаваны шэраг праблем, і перш за ўсё сітуацыя з бежанцамі на беларуска-польскай, беларуска-літоўскай і беларуска-латвійскай межах. Падрабязна ў размове былі закрануты шляхі і перспектывы вырашэння міграцыйнай праблемы з мэтай недапушчэння эскалацыі сітуацыі на мяжы, гуманітарная падтрымка бежанцаў праз аказанне ім гуманітарнай дапамогі.
Лукашэнка і Меркель дамовіліся аб далейшых кантактах з мэтай вырашэння сітуацыі.
Сёння таксама адбылася тэлефонная размова кіраўнікоў Францыі і Расіі Эмануэля Макрона і Уладзіміра Пуціна, якія абмеркавалі мігранцкі крызіс на беларуска-польскай мяжы.
«Закранута сітуацыя, якая склалася на мяжы Беларусі з краінамі Еўрасаюза. Прэзідэнт Расіі прыцягнуў увагу, у прыватнасці, да вельмі жорсткага абыходжання польскіх памежнікаў з бежанцамі», - гаворыцца ў паведамленні прэс-службы Крамля.
«Праінфармаваўшы аб сваіх кантактах па міграцыйным крызісе з Аляксандрам Лукашэнкам, Уладзімір Пуцін падкрэсліў мэтазгоднасць абмеркавання ўзніклых праблем наўпрост паміж кіраўніцтвам краін ЕС і Беларусі», - паведамляе прэс-служба Крамля.
Як міграцыйны крызіс у Беларусі блытае карты французскім палітыкам
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову17
Каментары