«Яндэкс» схаваў на сваіх картах 119 аб’ектаў у Расіі

Па даных журналісцкага расследавання шведскага выдання SVT разам з партнёрамі з іншых краін, сэрвіс Yandex Maps схаваў або замаскаваў 119 аб’ектаў каля заходняй мяжы Расіі.

Фота: Simon Krona / Mapcreator

Большасць з гэтых аб'ектаў, як сцвярджаецца, звязаныя з вайсковай інфраструктурай і абаронна-прамысловым комплексам Расіі.

Сярод выяўленых аб’ектаў:

• 31 — прадпрыемствы ВПК, рамонту або распрацовак;
• 29 — авіябазы;
• 16 — аб’екты СПА, радыёлакацыі і сувязі;
• 12 — вайскова-марскія базы і рамонтныя аб’екты;
• 11 — лагістычныя аб'екты, склады з палівам і боепрыпасамі;
• 6 — гарнізоны і навучальныя палігоны;
• 4 — аб’екты, звязаныя з ядзернай сферай;
• 4 — касмічныя аб’екты;
• 3 — атамныя электрастанцыі або даследчыя цэнтры;
• 3 — іншыя вайсковыя аб’екты невядомага прызначэння.

Журналісты адзначаюць, што раней такіх «замаскаваных зон» у адкрытых картах не фіксавалася, а масавае прыхоўванне пачало заўважацца ў апошнія гады.

Таксама згадваецца рашэнне расійскага суда 2024 года, які абавязаў Yandex схаваць Разанскі нафтаперапрацоўчы завод пасля здзейсненых супраць яго атак.

Эксперты, на якіх спасылаецца выданне, аднак, лічаць, што падобныя спробы абмежаваць доступ да картаў могуць мець хіба толькі абмежаваны эфект, бо аб’екты ўсё роўна можна ідэнтыфікаваць па спадарожнікавых здымках і іншых адкрытых крыніцах.

Каментары да артыкула