Расійскія анлайн-карты з года ў год адбіваюць беларускую аўдыторыю ў Google
Google у лідарах на рынку картаграфічных сэрвісаў у Беларусі, але стабільна губляе аўдыторыю — карыстальнікаў адваёўвае «Яндэкс». Пра гэта гаворыцца ў даследаванні RocketData, піша Devby.io.
За апошнія тры гады папулярнасць анлайн-картаў Google знізілася на 12 працэнтных пунктаў — з 81% да 69%. «Яндэкс», наадварот, прыкладна столькі ж дадаў і зараз займае 29% рынку. Яшчэ 2% належыць расійскай сістэме 2ГІС, якая запрацавала ў Беларусі ў канцы 2021 года.
Высокая доля Google на беларускім рынку тлумачыцца тым, што яна прыйшла сюды раней за астатніх. Аналітыкі адзначаюць, што кампаніі, якія ігнаруюць Google, страчваюць да 70% інтэрнэт-карыстальнікаў з Беларусі, а калі адсутнічаюць у «Яндэксе», то губляюць траціну беларускіх карыстальнікаў.
Рост «Яндэкса» забяспечваюць іншыя сэрвісы экасістэмы: пошук, галасавы памочнік, таксі, дастаўка і іншыя. На думку аналітыкаў, ужо да канца года ён можа стаць паўнавартасным канкурэнтам Google. 2ГІС любяць расійскія турысты, а гэта — 97% замежных падарожнікаў, сказана ў дакладзе.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары
Пошук, які нават на беларускамоўны запыт дае расейскамоўныя і расейскія крыніцы.
Галасавы памочнік: таксма адказвае выключна па расейску.
Таксі - дастаўка: правільна, зліваем свае лакацыі і плацёжныя сродкі ў ФСБ, плюс фінансава падтрымліваем расейскую "СВА".
І вось такое "комба" набірае папулярнасць сярод беларусаў...
google - ничего и не терялось...