Загінулай замежніцай падчас страляніны ў Кракаве аказалася жанчына з Аўстрыі
Падчас тэракту ў Кракаве былі забітыя шэсць чалавек. Сярод ахвяр была 51‑гадовая жанчына з Аўстрыі, паведаміў ваявода Малапольскага ваяводства Кшыштаф Клэнчар, піша Onet.
Фота: AP Photo / Beata Zawrzel
Раней агучвалася інфармацыя, што забітая жанчына-замежніца — расіянка. Але яна не пацвердзілася.
Яшчэ адным замежнікам, які загінуў у тэракце, стаў 32‑гадовы грамадзянін Вялікабрытаніі.
Страляніна на Рынкавай плошчы ў Кракаве адбылася ў суботу пасля 15:00. 24‑гадовы паляк уехаў на аўтамабілі на плошчу і адкрыў агонь па выпадковых людзях. Загінулі шэсць чалавек, яшчэ 16 атрымалі раненні. Нападнік быў затрыманы пасля перастрэлкі з паліцыяй.
У сувязі з трагедыяй 8 і 9 лістапада абвешчаны ў Польшчы днямі нацыянальнай жалобы.
Чытайце таксама:
«Такія жыццярадасныя людзі. Не тое што ён». Суседзі расказалі пра сям’ю нападніка з Кракава
Момант затрымання стралка ў Кракаве трапіў на ВІДЭА
Тэрарыст адкрыў страляніну ў цэнтры Кракава. Як мінімум шэсць чалавек загінулі