У Смалявічах нафтапрадукты трапілі ў раку

Жыхары Смалявічаў заўважылі на паверхні вады ў мясцовай рацэ Пліса масляністыя плямы, а таксама адчулі характэрны пах нафтапрадуктаў. Забруджванне выявілі ў раёне вуліцы Камсамольскай, паведаміла прэс-служба Міністэрства прыродных рэсурсаў і аховы навакольнага асяроддзя.

Скрыншот з відэа

На месца аператыўна выехалі спецыялісты Рэспубліканскага цэнтра аналітычнага кантролю Мінпрыроды. Яны ўзялі пробы вады, каб вызначыць канцэнтрацыю шкодных рэчываў.

У міністэрстве выказалі папярэднюю версію, што алівы і тэхнічныя вадкасці маглі трапіць у ліўневую каналізацыю. Моцныя восеньскія дажджы маглі змыць іх з гарадскіх тэрыторый і дарог у паверхневыя сцёкі.

Дакладную крыніцу забруджвання яшчэ высвятляюць.

Каментары да артыкула