Прэзідэнт ЗША Дональд Трамп абвясціў пра маштабнае змякчэнне экалагічных патрабаванняў да нафтагазавай галіны. Ён мае намер адмяніць правілы абмежавання выкідаў метану, уведзеныя адміністрацыяй Джо Байдэна, паведамляе AFP.
Выступаючы на перадвыбарным мітынгу ў горадзе Лабак у Тэхасе, Трамп заявіў, што скасаванне гэтых нормаў дазволіць ашчадзіць каля 45 мільярдаў даляраў спажыўцам і энергетычным кампаніям. Паводле яго слоў, гэта таксама дапаможа больш поўна выкарыстоўваць энергетычныя рэсурсы Тэхаса, які з'яўляецца найбуйнейшым у ЗША вытворцам выкапнёвага паліва, і забяспечыць доступ да значных запасаў прыроднага газу.
Агенцтва ЗША па ахове навакольнага асяроддзя раней пацвердзіла ацэнку магчымай эканоміі ў 45 мільярдаў даляраў, аднак падрабязных разлікаў не апублікавала. Кіраўнік ведамства Лі Зелдзін падтрымаў рашэнне Трампа. Ён заявіў, што амерыканцы павінны мець магчымасць без празмерных выдаткаў аплачваць ацяпленне і запраўляць аўтамабілі, а празмернае рэгуляванне энергетычнай галіны ўскладняе гэта.
Метан — магутны парніковы газ і асноўны кампанент прыроднага газу. Паводле звестак Міжнароднага энергетычнага агенцтва, ЗША займаюць першае месца ў свеце паводле аб'ёмаў выкідаў метану нафтагазавым сектарам, апярэджваючы Расію.
Па ўплыве на глабальнае пацяпленне метан саступае толькі вуглякісламу газу. Паводле ацэнак навукоўцаў, на яго долю прыпадае каля траціны павышэння сярэдняй сусветнай тэмпературы з даіндустрыяльнага перыяду — прыкладна 0,5 градуса Цэльсія.
Пры гэтым метан значна мацней утрымлівае цяпло ў атмасферы, чым вуглякіслы газ, але застаецца там адносна нядоўга — ад сямі да 12 гадоў. Вуглякіслы газ, у сваю чаргу, можа захоўвацца ў атмасферы сотні гадоў.
Навукоўцы высветлілі, калі Зямля можа страціць кіслародную атмасферу
ЕС больш не бачыць у каровах пагрозы для клімату. Цяпер яны — частка еўрапейскай бяспекі
Акіян страчвае свае «трапічныя лясы». Прагнозы навукоўцаў невясёлыя
Еўрасаюз абнавіў сваю арктычную стратэгію. Што памяняецца, а што застанецца як было?
Каментары