У Баранавічах выставілі на аўкцыён дзейны гандлёвы цэнтр
У цэнтры Баранавічаў выставілі на аўкцыён дзейны шматфункцыянальны гандлёвы будынак, у якім працуюць прыватны медыцынскі цэнтр, крамы і прадпрыемствы сферы паслуг. За аб’ект просяць амаль мільён даляраў, піша Office Life.
Фота: ipmtorgi.by
Двухпавярховы будынак плошчай каля 840 квадратных метраў размешчаны на вуліцы Савецкай і належыць ТАА «Рытэйл Рэпаблік». Цяпер памяшканні арандуюць медыцынскі цэнтр «Лінія здароўя», крама абутку сеткі Megatop, ювелірныя крамы і крамы адзення, а таксама іншыя гандлёвыя пункты.
Зямельны надзел знаходзіцца ў пастаянным карыстанні. Уласнік ужо мае ўзгоднены архітэктурны праект, які дазваляе надбудаваць трэці паверх і істотна павялічыць агульную плошчу будынка.
Прычыны продажу не раскрываюцца. Вядома, што нерухомасць знаходзіцца ў закладзе ў Прыёрбанка, але банк не пярэчыць супраць змены ўласніка.
Аўкцыён адбудзецца 14 снежня. Пачатковы кошт аб’екта складае 2,8 мільёна рублёў.
Чытайце таксама:
У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага
У Сенненскім раёне прадаюць з аўкцыёна старадаўнюю паштовую станцыю
Пад Гроднам прадаюць базу адпачынку з міні-заапаркам і стайняй