Аўто

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага

Гаворка ідзе пра аўтамабіль Chevrolet 3100 выпуску 1957 года. Інфармацыя пра таргі з’явілася на аўкцыённай старонцы гандлёвага дома «Усходні», піша Blizko.by.

Аўтамабілі гэтага сямейства адносяцца да лінейкі Chevrolet Task Force (1955—1959), якая вырасла з лінейкі Advance Design (1947—1955). Машыны гэтых сямействаў называюць «самымі няшнымі пікапамі Амерыкі»: дзякуючы ім пікапы перасталі быць транспартам толькі для фермераў, а набылі і фанатаў сярод выключна гарадскіх жыхароў. На той жа базе будавалі закрытыя фургоны, пасажырскія вэны, грузапасажырскія мадэлі.

Колькасць мадэляў і мадыфікацый абодвух сямействаў складае некалькі дзясяткаў, у той час гэта былі самыя папулярныя пікапы і лёгкія грузавікі ў ЗША.

Chevrolet Task Force стаў правобразам персанажа аўтамабіля-эвакуатара Мэтра з гарадка Радыятар-Спрынгс у мультфільме «Тачкі».

Пра канкрэтны экзэмпляр з аўкцыёну вядома тое, што ён не на хаду і нават не заводзіцца. Аб’ём рухавіка — 3,8 літра, каробка перадач механічная, колер заяўлены як блакітны, маюцца сколы, драпіны і карозія, а прабег нібыта ўсяго 11 кіламетраў, што, вядома, вельмі далёка ад рэальнасці.

Пачатковая цана лота — 89 370 рублёў. Таксама пераможца таргоў павінен будзе аплаціць 149 рублёў выдаткаў на правядзенне аўкцыёну. Такім чынам, агульная мінімальная сума лота — 89 519 рублёў, або прыкладна 29 900 даляраў па афіцыйным курсе Нацбанка. У Беларусі за такія грошы можна купіць новы электрамабіль сярэдняга класа.

Таргі адбудуцца 25 лістапада ў 12:00.

Каментары

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу12

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва62

«Шмат плацяжоў было ў Польшчы». Беларусы масава скардзяцца на блакаванне банкаўскіх картак8

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць