Vyzvalenyja palitviaźni pryjeduć z Ukrainy ŭ Varšavu hetaj nočču ci ranicaj
Pradstaŭniki Abjadnanaha pierachodnaha kabinieta Biełarusi, namieśnik jaho kiraŭnicy Pavieł Łatuška i pradstaŭnica pa sacyjalnaj palitycy Volha Zazulinskaja źviarnulisia da biełarusaŭ z nahody chutkaha prybyćcia vyzvalenych palitviaźniaŭ u Varšavu.
Aŭtobusy, jakimi viazuć palitviaźniaŭ. Fota Dzianisa Kučynskaha
Paviedamlajecca, što vyzvalenyja režymam Łukašenki 13 śniežnia i departavanyja va Ukrainu palitviaźni prybuduć u Varšavu ŭ Centr biełaruskaj salidarnaści pa adrasie: Oleandrów 6, 00‑636 Warszawa.
Dakładny čas prybyćcia abiacajuć paviedamić adrazu paśla taho, jak adbudziecca pierasiačeńnie ŭkrainska-polskaj miažy.
Papiarednie prybyćcio ŭ Varšavu čakajecca ŭnačy ci navat ranicaj nastupnaha dnia.
«My źviartajemsia da biełarusaŭ i biełarusak, da žurnalistaŭ i da ŭsioj hramadskaści z prośbaj być uvažlivymi i aściarožnymi. Važna pamiatać, što nie dla ŭsich siońnia śviata: pobač zastajucca siemji, čyje rodnyja ŭsio jašče znachodziacca za kratami.
Ludziam, jakija vychodziać na volu, patrebny čas na adnaŭleńnie, prastora bieź cisku i pavaha da asabistych miežaŭ. Kožny ź ich maje prava sam vyznačać, kali i jak havaryć pra pieražytaje.
Naša ahulnaja adkaznaść — sustrakać vyzvalenych z padtrymkaj i čałaviečaj hodnaściu», — adznačajuć Łatuška i Zazulinskaja.
Čytajcie taksama:
Chalezin: Treba pytacca «što vy vytvarajecie» nie ŭ Babaryki, a ŭ jaho daradcaŭ
Paźniak pra Babaryku i Kaleśnikavu: Nijakaja turma nie pierarobić takich
Babaryka try chviliny adkazvaŭ na pytańnie, čyj Krym. Tak i nie adkazaŭ