Kraŭcoŭ pra pieršuju pres-kanfierencyju Babaryki i Kaleśnikavaj: Sprečku razdźmuvali vyklučna ŭ fejsbuku, Łosik toj ža
Pieršaja pres-kanfierencyja vyzvalenych palitźniavolenych z udziełam Viktara Babaryki i Maryi Kaleśnikavaj narabiła šumu: abyjakavych siarod tych, chto jaje pahladzieŭ, zdajecca, nie zastałosia.
Adny nakinulisia na palityčnych lidaraŭ z krytykaj: maŭlaŭ, nielha było paśla ŭsiaho pieražytaha dziakavać Łukašenku i tym bolš demanstravać pazicyju «nie ŭsio tak adnaznačna» pa vajnie va Ukrainie (jašče i znachodziačysia na jaje terytoryi). Druhija ž abaraniali ŭčorašnich viaźniaŭ: ludzi piać hadoŭ praviali ŭ režymie infabłakady, dajcie im čas.
Člen kamandy Viktara Babaryki Ivan Kraŭcoŭ ličyć, što kanfierencyja prajšła absalutna narmalna.
«Sprečku razdźmuvali vyklučna ŭ fejsbuku, Ihar Łosik toj ža asobna, a taksama ŭ ŚMI, jakija ščylna sočać za tym ža fejsbukam. Mnie padajecca, što heta dosyć štučnaja źjava: bolšaści ludziej u Biełarusi było absalutna ŭsio roŭna, jak i ŭkrainskaj aŭdytoryi, bo va ŭkrainskich ŚMI nichto tak nie krytykavaŭ», — prakamientavaŭ «Našaj Nivie» Ivan Kraŭcoŭ.
Kraŭcoŭ zaŭvažaje, što za piać hadoŭ u mihranckim asiarodździ sfarmavaŭsia dosyć radykalny pohlad na toje, jak pavinien pavodzić siabie apazicyjny biełaruski palityk i na jakija kropki cisnuć, a na jakija — ni ŭ jakim razie.
«Nas usio heta (padobnyja kamientary i reakcyi — NN), pa praŭdzie kažučy, nie vielmi mocna turbuje. Nas značna bolš turbuje, kab jany pryjšli ŭ paradak i vyznačylisia z tym, čym jany dalej u žyćci buduć zajmacca. Heta kudy bolš važnaja reč — kab jany znajšli sabie praduktyŭnuju budučyniu».
Varta adznačyć, što na druhi dzień paśla vyzvaleńnia padčas sustrečy z prezidentam Ukrainy Uładzimiram Zialenskim i Maryja Kaleśnikava, i Viktar Babaryka vykazali svaju salidarnaść z Ukrainaj.
«My vas padtrymlivajem. My nie ŭjaŭlajem, jak heta niejmavierna składana, kali ŭ stanie vajny, adbyvajecca takaja masavanaja ataka i ahresija z boku Rasii, jak ciažka vam z hetym spraŭlacca i vy ŭsio adno znachodzicie mahčymaść nas padtrymlivać», — skazała padčas taho zvanka Maryja Kaleśnikava.
Babaryka, u svaju čarhu, skazaŭ Zialenskamu: «Usie my adzinyja ŭ acency hetaj pazicyi: vy pakutujecie, vy zaznali ahresiju, i vy całkam majecie racyju: svaboda i žyćcio ludziej, jakija addali za jaje žyćcio — najvažniejšaje. I jana pavinna pieramahčy».
«Naša Niva» — bastyjon biełaruščyny
PADTRYMAĆCiapier čytajuć
Unučki Łukašenki paśpiachova zamacavalisia ŭ Rasii4
Kamientary
Ja bieh za vami 5 kvartałaŭ, kab skazać, jak vy mnie abyjakavy.)
"..kab jany pryjšli ŭ paradak"
Kraŭcoŭ, "iany" - heta chto? Ostrokopytnyje?
"..čym jany dalej u žyćci buduć zajmacca"
Nu, ŭžo dakładna nie praciahvać hladzieć ź luboŭju i addanaściu na Ŭschod