Debiut Ščasnaha-dramaturha
Pjesu pra žyćcio palityka j kampazytara Michała Kleafasa Ahinskaha «Fantazija la-minor» napisaŭ kiraŭnik Nacyjanalnaj kamisii pa spravach UNESKO, pasoł Uładzimier Ščasny. Napiaredadni 240-hodździa Ahinskaha pjesa 30 lipienia budzie pastaŭlena kalektyvam Mienskaha abłasnoha dramteatru ŭ Zaleśsi (Smurhonščyna). Kab nie afišavać proźvišča, Ščasny vystupiŭ pad pseŭdanimam — Uładzimier Drazdoŭ.
Braty Hrym — suśvietnaja spadčyna
Kazki bratoŭ Jakaba i Vilhielma Hrym uklučany ekspertami UNESKO ŭ Śpis suśvietnaj spadčyny jak «najvažniejšy etap na šlachu abjadnańnia eŭrapiejskaj i ŭschodniaj tradycyj składańnia kazak».
Niamieckaja premija dla turka
Abjadnańnie niamieckich knihahandlaroŭ prysudziła premiju miru słynnamu tureckamu prazaiku Archanu Pamuku. Letaś premiju atrymaŭ vuhorac Peter Esterhazy, pazaletaś — Śjuzan Zontah.
Uručać jaje 23 kastryčnika na cyrymonii zakryćcia Frankfurckaha knižnaha kirmašu. Premiju Pamuku prysudzili za adlustravańnie ŭ knihach prablem suisnavańnia isłamu j chryścijanstva. Na radzimie piśmieńnika apošnim časam mocna krytykujuć: u lutym u interviju švajcarskaj «Tages-Anzeiger» jon nazvaŭ hienacydam masavuju raźniu, učynienuju turkami suprać armianaŭ u 1915 h.
AV
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary