Na nastupnym tydni zachavajucca marazy, jany buduć z mocnym vietram
Sinoptyk Dźmitryj Rabaŭ u efiry telekanała ANT papiaredziŭ, što tydzień z 9 pa 15 lutaha ŭ Biełarusi budzie chałodnym i niaŭstojlivym. Pavodle jaho słoŭ, druhi lutaŭski tydzień pakaža ŭvieś kantrast hetaha miesiaca.
Pačatak tydnia zastaniecca maroznym: čakajecca soniečnaje nadvorje i prytok arktyčnaha pavietra. A mocny chałodny viecier dadatkova ŭzmocnić adčuvańnie ściužy, i tempieratura budzie adčuvacca nižejšaj za realnuju.
U siaredzinie tydnia praz krainu projduć słabyja atmaśfiernyja franty, jakija pryniasuć nievialiki śnieh. U cełym tempieratura pavietra budzie na 6—8 hradusaŭ nižejšaja za klimatyčnuju normu.
U paniadziełak, 9 lutaha, pad upłyvam skandynaŭskaha antycykłonu nočču čakajecca ad -17 da -24 hradusaŭ. Dniom budzie ad -9 u Bresckaj vobłaści da -15 u Viciebskaj. Apadkaŭ nie prahnazujecca, ale na darohach mahčymy hałalod. Viecier — paŭnočny.
U aŭtorak, 10 lutaha, maroz zachavajecca, istotnych apadkaŭ nie čakajecca. Miescami mahčymyja tuman, šerań i ślizkija darohi. Unačy i ranicaj — ad -16 da -23 hradusaŭ, dniom — ad -2 u Bresckaj vobłaści da -13 u Mahiloŭskaj. Viecier paŭdniova-ŭschodni.
Ź sierady, 11 lutaha, pačnie pastupać atmaśfierny front, jaki krychu asłabić marazy i pryniasie śnieh. Nadvorje budzie vobłačnym z prajaśnieńniami, na darohach miescami mahčymyja tuman i hałalod. Viecier — paŭdniovy. Nočču tempieratura składzie ad -8 na paŭdniovym zachadzie da -20 na paŭnočnym uschodzie. Dniom chaładniej za ŭsio budzie ŭ Viciebsku (kala -8), a ciaplej — u Breście (kala 0).
12 i 13 lutaha nadvorje znoŭ vyznačyć chałodny paŭnočny antycykłon. Apadki adyduć u paŭdniovyja rajony krainy, miescami mahčymyja tuman i hałalod. Viecier budzie paryvisty, paŭnočna-ŭschodni. U čaćvier nočču čakajecca ad -8 na poŭdni da -20 na poŭnačy, dniom — ad 0 u Bresckaj vobłaści da -12 u Viciebskaj. U piatnicu istotnych źmien nie prahnazujecca: unačy — da -22 na paŭnočnym uschodzie, dniom — ad -3 u Breście da -12 u Viciebsku.
Na vychadnych, 14 i 15 lutaha, u Biełaruś pryjdzie aktyŭny zachodni front. U subotu čakajecca śniehapad — ad słaboha da davoli intensiŭnaha, paryvisty viecier i mahčymyja zaviruchi. Nočču budzie ad -8 da -15, dniom — ad -3 da -9 hradusaŭ.
U niadzielu śnieh praciahniecca ŭ mnohich rajonach, što moža ŭskładnić situacyju na darohach. Viecier źmienicca na paŭnočna-zachodni. Tempieratura nočču budzie vahacca: ad +2 u Bresckaj vobłaści da -5 na paŭnočnym uschodzie Viciebščyny.
Niahledziačy na marazy, pad Minskam źbirajuć uradžaj śpiełych kłubnic
Na MTZ praviali ekśpierymient, zamaroziŭšy traktar «Biełarus» VIDEA
Dzikija žyvioły ŭ maroz vychodziać da ludziej. Jak siabie pavodzić? Voś jakija častyja pamyłki my robim
U maroznym Minsku ŭsio adno zimujuć redkija pieralotnyja ptuški
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal5
Kamientary