Biesprytulny Chackievič
Eks-paŭabaronca kijeŭskaha «Dynama» i nacyjanalnaj zbornaj Biełarusi Alaksandar Chackievič najbližejšym časam moža apynucca ŭ adnym ź biełaruskich futbolnych klubaŭ. Chackievič nie padyšoŭ ni šatlandzkamu «Chartsu» (jamu nie dali brytanskaj pracoŭnaj vizy), ni rasiejskamu «Saturnu» (pieramoŭščyki nie dasiahnuli kansensusu). Jašče raniej ad pasłuh byłoha lidera nacyjanalnaj zbornaj admovilisia kluby ŭkrainskaj vyšejšaj lihi. Ciapier samym realnym varyjantam vyhladaje pierachod u mienskaje «Dynama». Akurat padaśpieŭ i pierapynak u nacyjanalnym čempijanacie pamiž dźviuma kruhami, kali aktyŭna idzie praces dazajavak.
Viartańnie Hleba ŭ Biełaruś
23 lipienia forvard nacyjanalnaj futbolnaj zbornaj Viačasłaŭ Hleb pravioŭ pieršy matč za mienski MTZ-RIPA. U matčy 1/16 finału Kubku Biełarusi «traktarysty» pieramahli ziemlakoŭ z FK «Źmiena» ź likam 2:1, a Viačasłaŭ zabiŭ hoł. Eŭrapiejski etap nie zadaŭsia ŭ małodšaha brata Alaksandra Hleba. Viačasłaŭ hod tamu byŭ addadzieny «Štuhartam» u arendu «Hamburhu», zatym pierajšoŭ u švajcarski «Hraschoper». Ale ŭ červieni «koniki» nie praciahnuli kantraktu, i Hleb źviarnuŭ uvahu na Rasieju. Paśla niekalkich niaŭdačaŭ Viačasłaŭ apynuŭsia ŭ składzie MTZ-RIPA.
28 lipienia «traktarysty» praviaduć matč u adkaz pieršaha kvalifikacyjnaha raŭndu Kubku UEFA suprać «Ferenvarašu». Dva tydni tamu MTZ-RIPA pieramoh u Vuhorščynie 2:0. Matč u adkaz — na stadyjonie «Traktar». Pačatak a 17-j.
Jaskikiavičus staŭ «inachodcam»
Najlepšy eŭrapiejski razyhryvajučy, samy kaštoŭny hulec Eŭralihi apošnich troch hadoŭ Šarunas Jasikiavičus padpisaŭ kantrakt z klubam Nacyjanalnaj baskietbolnaj asacyjacyi «Indyjana Pejserz», jakim kiruje lehiendarny Łary Berd.
Za try hady litoviec zarobić 10 młn dalaraŭ. U «Indyjany» najlepšyja šancy stać čempijonami NBA.
Letaś u najmacniejšaj baskietbolnaj lizie śvietu hulali dva litoŭcy: Darus Sanhajła («Sakramenta») dy Žydrunas Iłhaŭskas («Kliŭłend»).
AR, football.by, gazeta.pl/sport
Pašpart Novaj Biełarusi pačnuć vydavać z 26 studzienia. Što viadoma i jak atrymać?46
Kamientary