Jak paviedamili ŭpres-słužbie staličnaj milicyi, atrymaŭšy peŭnuju viadomaść i padtrymku ŭ hramadstvie,internet-prajekt «Pierachop» abjaŭlaje vajnu narkotykam. Ciapier sajt perehvat.gov.by budzie prymać lubuju infarmacyju ab faktach vyrabu, zachoŭvańnia i raspaŭsiudžvańnia narkatyčnych srodkaŭ i ich prekursoraŭ.
U «Pierachop» možna nakiroŭvać lubyja źviestki, jakija tyčacca roznych aśpiektaŭ baraćby z narkamanijaj. Heta mohuć być paviedamleńni ab faktach abarotu narkotykaŭ abo ich užyvańnia. «Mocnyja i słabyja narkotyki, jak i nasvaj, marychuana abo kurylnyja sumiesi — usia vaša infarmacyja budzie nakiroŭvacca ŭ padraździaleńni pa narkakantroli dla apieratyŭnaha reahavańnia. Kali žadajecie pakinuć infarmacyju inkohnita — paviedamcie nam ab hetym, i jana nie budzie raskryta», — havorycca ŭ paviedamleńni HUUS.
Tekstavuju infarmacyju, fota i videazapisy možna dasyłać na sajt prajekta perehvat.gov.by z dvuma cheštehami — #pieriechvat i #špric. Pry padrychtoŭcy paviedamleńniaŭ nieabchodna prytrymlivacca praviłaŭ prajekta, jakija raźmieščany pad stužkami navin na sajcie. Paśla pravierki paviedamleńnia jano budzie raźmieščana ŭ «čyrvonaj stužcy» z adpaviednaj ikonkaj.
Kamientary