Vaśmihadovy chłopčyk zabłukaŭ i pravioŭ piać dzion u parku ź ilvami. Voś što dapamahło jamu vyžyć
Vaśmihadovaha chłopčyka (pavodle inšych źviestak, jamu 7 hadoŭ) znajšli žyvym paśla taho, jak jon pravioŭ piać dzion u zapaviedniku, nasielenym ilvami i słanami, na poŭnačy Zimbabve, piša Bi-bi-si.
Vyprabavańni Tynatende Pudu pačalisia, kali jon zabłukaŭ jak minimum za 23 km ad doma ŭ niebiaśpiečnym parku Matusadona, dzie žyvuć dzikija žyvioły.
Padrabiaznaści dziŭnaha vyratavańnia dziciaci raspaviała Muca Murombiedzi, člen parłamienta ad pravincyi Zachodni Mašonalend u Zimbabve.
Pavodle jaje słoŭ, chłopčyk pravioŭ u zapaviedniku piać dzion. Jon «spaŭ na kamianistym vystupie, siarod rykajučych ilvoŭ i słanoŭ, jakija prachodzili pobač, i charčavaŭsia dzikimi fruktami».
U palaŭničym zapaviedniku Matusadona žyvuć kala 40 ilvoŭ. Pavodle źviestak arhanizacyi «Afrykanskija parki», raniej tut była adna z samych ščylnych papulacyj ilvoŭ u Afrycy.
Upraŭleńnie parkaŭ i dzikaj pryrody Zimbabve paćvierdziła incydent, ale paviedamiła, što chłopčyku było siem hadoŭ, a nie vosiem, jak skazała deputatka, i jon prajšoŭ piecham 49 km ad doma.
Deputatka Murombiedzi adznačyła, što chłopčyk vyžyŭ dziakujučy svaim viedam pra dzikuju pryrodu i navykam vyžyvańnia. Jon jeŭ dzikija płady i kapaŭ pałkaj nievialikija studni ŭ suchich rečyščach rek, kab zdabyć vadu. Hetym navykam navučajuć u zasušlivych rajonach.
Členy miascovaj supolnaści Ńjamińjami šukali dzicia i kožny dzień bili ŭ barabany, sprabujučy pryvabić jaho dadomu. Adnak znajści chłopčyka ŭdałosia inśpiektaram parku.
Na piaty dzień u zapaviedniku Tynatende pačuŭ mašynu rejndžaraŭ i pabieh da jaje, ledź nie raźminuŭšysia ź imi, raspaviała deputatka.
Na ščaście, rejndžary viarnulisia, zaŭvažyli «śviežyja ślady maleńkich čałaviečych noh» i praciahnuli pošuki, pakul nie znajšli dzicia.
«Heta, vierahodna, byŭ jaho apošni šaniec vyratavacca paśla piaci dzion u savanie», — dadała deputatka.
Płošča parku składaje bolš za 1470 kvadratnych kiłamietraŭ, i ŭ im žyvuć ziebry, słany, biehiemoty, ilvy i antyłopy.
U sacyjalnych sietkach ludzi zachaplajucca vytrymkaj chłopčyka.
«Heta pa-za miežami čałaviečaha razumieńnia», — napisaŭ adzin karystalnik tvitara.
Inšy adznačyŭ: «U jaho budzie nievierahodnaja historyja, kali jon vierniecca ŭ škołu».
Prakopjeŭ krytykuje prapanovu kapitulavać: Kali ŭ nas nie ŭźnikła partyja jastrabaŭ, to nie treba rabić partyju abłudnych hałuboŭ14
Kamientary