Staršynstva ŭ SND 1 studzienia 2013 hoda pierachodzić da Biełarusi. Pra heta zajaviŭ prezident Turkmienistana Hurbanhuły Bierdymuchamiedaŭ 5 śniežnia na pasiadžeńni Savieta kiraŭnikoŭ dziaržaŭ u pašyranym składzie ŭ Ašchabadzie.
«Prajšło pasiadžeńnie Savieta kiraŭnikoŭ dziaržaŭ u vuzkim farmacie, padčas jakoha pryniata rašeńnie ab tym, što z 1 studzienia 2013 hoda staršynstva ŭ SND pierachodzić da Respubliki Biełaruś», — skazaŭ jon.
Alaksandr Łukašenka paviedamiŭ, što asnoŭnymi temami padčas staršynstva krainy ŭ Sadružnaści buduć intehracyja na karyść čałavieka, umacavańnie dobrasusiedstva, raźvićcio ekałahičnaha supracoŭnictva i pašyreńnie dyjałohu kultur. «Tym bolš, jak paviedamiŭ staršynia (prezident Turkmienistana), 2013 hod abjaŭleny Hodam ekałahičnaj kultury i achovy navakolnaha asiarodździa ŭ SND. Takoje rašeńnie było nami pryniata na pasiadžeńni ŭ vuzkim kole», — skazaŭ Łukašenka.
Jon zaznačyŭ, što Biełaruś budzie ŭličvać intaresy ŭsich krain — udzielnic SND. Pavodle słoŭ Łukašenki, aktualnymi źjaŭlajucca temy raźvićcia infarmacyjnaj prastory, umacavańnia mižkulturnaha i mižetničnaha ŭzajemadziejańnia, pašyreńnia kantaktaŭ na ŭzroŭni navukovaj i tvorčaj intelihiencyi, vieteranskich i maładziožnych arhanizacyj i realizacyi prajektaŭ u śfiery achovy navakolnaha asiarodździa.
Vykanaŭčy sakratar SND Siarhiej Lebiedzieŭ paviedamiŭ, što Biełaruś praviadzie nastupny samit Sadružnaści ŭ kastryčniku 2013 hoda.
Kamientary