Biełaruski rubiel najbolš uzmacniŭsia suprać siryjskaj i sudanskaj valuty

Siońnia, 28 śniežnia, na Biełaruskaj valutna-fondavaj biržy adbylisia apošnija za hod tarhi. Pa ich vynikach rubiel apuściŭsia da košyka valuty jašče da 0,4%. Takim čynam,

pa vynikach hoda nacyjanalnaja valuta abiasceniłasia na 5,2%.

kurs biełaruskaha rubla vyznačajecca ŭ adnosinach da vaśmi dziasiatkaŭ valut śvietu. Jak źmianiłasia naša valuta ŭ paraŭnańni ź imi?

U dačynieńni da sudanskaha funta biełaruski rubiel uzmacniŭsia adrazu na 61% — drobiaź, a pryjemna! Varta adznačyć, što Sudan akurat razvaliŭsia na dźvie pałovy, miž jakimi praciahvajecca kanflikt. Inšuju krainu, u jakoj idzie hramadzianskaja vajna, Siryju, naša valuta abyšła na 28%. U dačynieńni da afhani biełaruski rubiel uzmacniŭsia na 16%, a da arhientynskaha piesa — na 10%.

Usiaho ž biełaruski rubiel akazaŭsia bolš tryvałym za 22 valuty śvietu.

Samyja słabyja valuty śvietu za 2012 hod (u adnosinach da biełaruskaha rubla)

Sudanski funt (sasłabieŭ na 37,77%).

Siryjski funt (-21,73%)

Afhani (-13,83%)

Arhientynskaje piesa (-10,07%)

Šry-łankijskaja rupija (-8,09%)

Ijena (-7,54%)

Uźbiekski sum (-7,1%)

Iranski ryał (-6,6%)

Brazilski reał (-5,88%)

Pakistanskaja rupija (-5,00%)

* * *

Najbližejšym da nas stali jehipiecki funt, jaki padaražeŭ usiaho na 0,04%, i niepalskaja rupija, jakaja patańnieła na 0,12%.

Ciapier pra valuty, u dačynieńni da jakich biełaruski rubiel abvaliŭsia.

Na pieršym miescy blizki mnohim našym suajčyńnikam polski złoty. Za hod jaho aficyjny kurs vyras z 2450 da 2790 rubloŭ — amal na 14%.

Vyhadna było zachoŭvać hrošy ŭ vienhierskich foryntach, u kałumbijskich i čylijskich piesa, jakija vyraśli na 12%. Narviežskija krony, paŭdniovakarejskija vony, mieksikanskija piesa ŭ adnosinach da rubla padaraželi na 11%.

Samyja mocnyja valuty śvietu za 2012 hod (u adnosinach da biełaruskaha rubla)

Polski złoty (uzmacniŭsia na 13,68%)

Kałumbijski piesa (12,29%)

Vienhierski forynt (11,88%)

Čylijski piesa (11,65%)

Narviežskaja krona (10,99%)

Paŭdniovakarejskaja vona (10,65%)

Mieksikanski piesa (10,52%)

Novaziełandski dalar (9,71%)

Tureckaja lira (9,70%)

Filipinskaje piesa (9,62%)

Sinhapurski dalar (9,32%)

Šviedskaja krona (9,19%)

Pieruanski sol (8,42%)

Češskaja krona (8,09%)

Rasijski rubiel (8,05%)

* * *

Letaś składvać taki rejtynh było biessensoŭnym — devalvacyja na 172% adkinuła biełaruski rubiel daloka nazad.

Padobnaja karcina nazirałasia i ŭ 2009 hodzie — tady słabiejšym za našu valutu byŭ tolki efijopski byr.

• 0
• 0
• 0
• 0
• 0
• 0
• 0
• 0