Беларускі рубель найбольш узмацніўся супраць сірыйскай і суданскай валюты
А найбольш дэвальваваўся ў адносінах да злотага — амаль на 14%.
Сёння, 28 снежня, на Беларускай
па выніках года нацыянальная валюта абясцэнілася на 5,2%.Валютны кошык складаецца ўсяго з трох валют — даляра, еўра і расійскага рубля. Аднак
курс беларускага рубля вызначаецца ў адносінах да васьмі дзясяткаў валют свету. Як змянілася наша валюта ў параўнанні з імі?
У дачыненні да суданскага фунта беларускі рубель узмацніўся адразу на 61% — дробязь, а прыемна! Варта адзначыць, што Судан акурат разваліўся на дзве паловы, між якімі працягваецца канфлікт. Іншую краіну, у якой ідзе грамадзянская вайна, Сірыю, наша валюта абышла на 28%. У дачыненні да афгані беларускі рубель узмацніўся на 16%, а да аргентынскага песа — на 10%.
Усяго ж беларускі рубель аказаўся больш трывалым за 22 валюты свету.
Самыя слабыя валюты свету за 2012 год (у адносінах да беларускага рубля)
Суданскі фунт (саслабеў на 37,77%).
Сірыйскі фунт (-21,73%)
Афгані (-13,83%)
Аргентынскае песа (-10,07%)
Іена (-7,54%)
Узбекскі сум (-7,1%)
Іранскі рыал (-6,6%)
Бразільскі рэал (-5,88%)
Пакістанская рупія (-5,00%)
* * *
Найбліжэйшым да нас сталі егіпецкі фунт, які падаражэў усяго на 0,04%, і непальская рупія, якая патаннела на 0,12%.
Цяпер пра валюты, у дачыненні да якіх беларускі рубель абваліўся.
На першым месцы блізкі многім нашым суайчыннікам польскі злоты. За год яго афіцыйны курс вырас з 2450 да 2790 рублёў — амаль на 14%.
Выгадна было захоўваць грошы ў венгерскіх форынтах, у калумбійскіх і чылійскіх песа, якія выраслі на 12%. Нарвежскія кроны, паўднёвакарэйскія воны, мексіканскія песа ў адносінах да рубля падаражэлі на 11%.
Самыя моцныя валюты свету за 2012 год (у адносінах да беларускага рубля)
Польскі злоты (узмацніўся на 13,68%)
Калумбійскі песа (12,29%)
Венгерскі форынт (11,88%)
Чылійскі песа (11,65%)
Нарвежская крона (10,99%)
Паўднёвакарэйская вона (10,65%)
Мексіканскі песа (10,52%)
Новазеландскі даляр (9,71%)
Турэцкая ліра (9,70%)
Філіпінскае песа (9,62%)
Сінгапурскі даляр (9,32%)
Шведская крона (9,19%)
Перуанскі соль (8,42%)
Чэшская крона (8,09%)
Расійскі рубель (8,05%)
* * *
Летась складваць такі рэйтынг было бессэнсоўным — дэвальвацыя на 172% адкінула беларускі рубель далёка назад.
Падобная карціна назіралася і ў 2009 годзе — тады слабейшым за нашу валюту быў толькі эфіёпскі быр.
Каментары