Viktar Łukašenka ź siamjoj vyjšli na publiku, naviedali šmatdzietnych
Viktar Łukašenka razam z žonkaj Lilijaj i tryma dziećmi napiaredadni naviedaŭ u Minsku šmatdzietnuju siamju Andreja i Maryny Babulaŭ.
Hetaja siamja vychoŭvaje siem dziaciej. Praŭda, adny dziaržSMI paviedamili, što ŭsie dzieci svaje, a inšyja - što piaciora dziaciej pryjomnyja.
Karotki siužet pra heta byŭ pakazany pa dziaržaŭnych telekanałach. Ź siužetu było vidać, što starejšaja ŭnučka biełaruskaha prezidenta - Viktoryja - užo zusim panienka, vyšejšaja za mamu rostam. Unuk Alaksandr Łukašenka-małodšy - chudzieńki ciomnavałosy małodšakłaśnik. A voś małaja Valeryja - heta nie taja maleńkaja błandynka, jakuju navat za čajavańniem nie spuskała z ruk Lilija Łukašenka. Niaviestku prezidenta palubiła małodšaja vychavanka siamji Babulaŭ. Valeryja, jak i ŭsie ŭ siamji starejšaha syna prezidenta, ciomnavałosaja. Ale trochhadovaja małaja z koskami pavodziła siabie ścipła i, jak raspaviadajuć žurnalisty, jakija prysutničali na zdymkach, navat advaročvałasia ad kamier.
U jakaści navahodniaha padarunka siamja starejšaha syna prezidenta pryviezła siamji Babulaŭ šykoŭny sierviz i sałodkija padarunki dzieciam.
U jakaści zvarotnaha padarunka siamja pamočnika prezidenta pa nacyjanalnaj biaśpiecy atrymała samarobnuju maleńkuju jalinku i anioła.
Ahułam pierad Novym hodam najvyšejšyja čynoŭniki dziaržavy naviedvajuć internaty dla sirotaŭ i šmatdzietnyja siemji. Pazdymali svaje hadzińniki za 37 tysiač dalaraŭ i zapaślisia cukierkami.
Kamientary